Author: piksel_marketing

Стартапите се соочуваат со многу промени и неизвесности, токму затоа една од првите цели им е да формираат стабилен бизнис. Овој процес вклучува континуирано учење, избор на партнер за финансирање и постојано прилагодување на пазарните услови. Но, што навистина прави разлика помеѓу оние што успеваат и оние што не успеваат да ги совладаат предизвиците? 

Разговаравме со Иван Трпчевски, ко-основач на АТГ Македонија, првата фитнес сала во светот со АТГ лиценца. Во продолжение тој ни открива како овој фитнес центар прерасна од стартап во стабилен бизнис и каква „кондиција“ им е потребна на претприемачите за да истраат во својата цел. 

Што е АТГ? 

АТГ Македонија ја носи визијата за здрав и активен начин на живот со поинаков пристап кон фитнесот. АТГ методологијата е создадена од Бен Патрик, познат како „Knees Over Toes Guy“, и претставува револуционерен систем на тренинг кој помага во справување со болки и повреди, а потоа и во подобрување на целокупните физички перформанси. 

Сопствениците и ко-основачите, Иван Трпчевски и Бојан Диков, одлучиле да го донесат овој концепт во Македонија со главниот мотив – да им помогнат на што повеќе луѓе и да направат позитивна промена во општеството.  

Главната цел на АТГ методологијата е зајакнување и истегнување на целото тело со цел да се подобри спортскиот перформанс и да се зголеми физичката способност. „Целта е да сме здрави и активни, не само да изгледаме убаво и силно” – споделува Иван. 

Благодарение на силната пасија, но и на претходното професионално спортско искуство на Иван и Бојан, АТГ Македонија по само три години од основањето денес е стабилен бизнис кој се фокусира на развојот на заедницата, зголемување на тимот и проширување на своите услуги.  

Улогата на доброто партнерство во градење на стабилен бизнис 

Голем дел од успехот на стартапите зависи од тимот и партнерствата. Иван нагласува дека од нивното искуство доброто партнерство се темели на три клучни фактори: 

1. Јасно дефинирани цели – секој член на тимот мора да знае во кој правец треба да оди бизнисот. 

2. Комуникација – транспарентната комуникација е клучна за донесување на вистински одлуки. 

3. Организација – јасна поделба на улоги и одговорности, што носи ефикасност во работењето. 

Во нивниот случај, Бојан е одговорен за услуга и контрола на квалитет, додека Иван се фокусира на маркетинг и финансии. Оваа структура овозможува доверба, ефикасност и подобро менаџирање на секојдневните предизвици. а доверба, ефикасност и подобро менаџирање на секојдневните предизвици. 

Предизвиците на македонските претприемачи 

На самиот почеток, секој стартап се соочува со административни и инфраструктурни предизвици. Да се биде претприемач во Македонија значи постојано да се наоѓаат решенија и да се препознаваат можностите. Успехот доаѓа со флексибилност, проактивност и способност да се надминат пречките на патот кон раст и развој. 

Најголемите предизвици за претприемачите се во долгата процедура за регистрација, финансиските ограничувања и недостатокот на поддршка. Сепак, со добар тим, мрежа на поддржувачи и адаптибилност, секој предизвик може да се претвори во можност. 

На почетокот АТГ Македонија се соочиле со скептицизам во однос на нивниот иновативен пристап. Сепак, преку посветена комуникација со публиката, континуирано унапредување на услугите и силна заедница изградена преку лични препораки, тие успеале да го докажат својот квалитет.  

Денес, АТГ центарот нуди бесплатен пробен тренинг за сите оние што за прв пат сакаат да ги испробаат нивните методи. Покрај тоа, располага со повеќе од 50 различни програми, а тренерите се посветени на индивидуалните потреби на секој член – двајца тренери се секогаш присутни во салата за да обезбедат персонализиран пристап. А, за оние што претпочитаат флексибилност, достапни се и онлајн тренинзи. 

Важноста од финансиска поддршка за стартапите  

Секој почеток е предизвик, особено кога градите нешто ново, иновативно и различно. Независно од индустријата во која работите, она што најмногу ви е потребно е поддршка – од околината, од луѓето што ве мотивираат, но и од финансиски институции кои веруваат во вашата идеја. 

Финансиската поддршка е еден од најголемите предизвици за стартапите. Кога го започнувале својот бизнис, Иван и Бојан имале јасна визија за тоа што сакаат да постигнат, но за да ја реализираат им била потребна финансиска поддршка. Во нивниот случај, „ПроКредит“ пакетот за млади бил клучен во стартувањето на нивниот бизнис. Средствата од пакетот ги искористиле стратешки во опремување на фитнес салата, за обука на тренерите, како и за лансирање на самиот бизнис. 

Иван ни објасни дека процесот на добивање на кредитот бил брз и транспарентен, а комуникацијата со тимот на банката – одлична. Овој пакет им овозможил да ја завршат првата фаза на нивниот проект, но и да продолжат со втората фаза во вистинскиот момент, токму кога нивната заедница почнала да расте. 

„Дополнително, учеството на семинарот во стартап клубот организиран од ПроКредит Банка беше супер искуство. Имавме можност да се запознаеме со претприемачи од различни сектори, да споделиме предизвици и идеи и да ги слушнеме инспиративните приказни на искусни спикери. Овој фокус на поддршка на стартапите, особено на младите, прави разлика и ја гради довербата во бизнисите кои се на самиот почеток” – додава Иван. 

Стабилен бизнис има потреба од стабилен претприемач 

Денес АТГ Македонија е место каде што ќе вежбате правилно и без болка, место кое нуди целосен пристап кон физичка подготвеност и здрав животен стил. Тука ќе бидете дел од една заедница која активно организира хуманитарни и еко-иницијативи, спортски дружби, работилници за здрави навики и искачувања на домашни врвови. 

Од приказната на АТГ, заклучуваме дека за да постигнете стабилен бизнис, потребна е: 

• Конзистентност – бидејќи напорната работа и истрајност носат резултати. 

• Спремност за учење – секој неуспех е лекција, секоја грешка е можност за подобрување.  

• Фокус на долгорочни цели – важно е да не се заглавите во секојдневните проблеми, туку да гледате пошироко на целта што сакате да ја постигнете. 

Ваквата посветеност доведе до еден од најзначајните чекори за АТГ Македонија, а тоа е отворањето на новиот центар во населбата Хром, целосно опремен според современите фитнес стандарди. Паралелно со проширувањето на капацитетите, расте и заедницата – сè повеќе луѓе го препознаваат функционалниот пристап кон тренингот како вистинска поддршка за подобро здравје и физичка кондиција. Како што вели Иван, „Трасиравме пат од кој нема назад и нема откажувања.” 

Топ 3 совети за нови претприемачи 

Во разговорот со Иван тој сподели и 3 клучни совети за новите претприемачи коишто сакаат да изградат стабилен бизнис: 

• Верувајте во својата бизнис идеја – ако не верувате вие, нема да веруваат ни другите.  

• Слушајте ги поискусните и доверете се на професионалнци – барајте ментори, учете од нив, прифаќајте совети.  

• Бидете фокусирани на напредок и развој – анализирајте го секој успех и користете го како поттик за следниот чекор. 

Патот од стартап до стабилен бизнис е исполнет со предизвици, но со вистинската „кондиција“ – јасни цели, добра комуникација, финансиска поддршка и постојана едукација – успехот е возможен. 

Дознајте повеќе за Стартап пакетот на ПроКредит Банка.   

Започнувањето на стартап може да делува предизвикувачки, но секој успешен бизнис некогаш тргнал од истото место – со единствена и оригинална идеја. Патот до успехот често е непредвидлив, исполнет со предизвици, но и со можности кои носат инспирација и мотивација. Во светот на стартапите, не постојат универзални правила – секој претприемач го гради својот пат.  

Некои стартапи се пробиваат на пазарот за помалку од две години, додека на други им е потребно повеќе време за да изградат препознатлив бренд. Но, едно е сигурно: фокусот на вашата бизнис идеја и истрајноста се клучни.  

Како што вели Натали, основачката на Yova, македонскиот одржлив моден бренд – „Најважно е да не се откажувате.“ Во оваа приказна, дознаваме како Yova го најде својот пат до успехот и зошто претставува инспирација за сите што сонуваат да започнат свој успешен бизнис.  

Што е „Yova”?  

Yova е успешен бизнис и македонски моден бренд со етичка мисија кој се фокусира на минималистички дизајн, рачна изработка и одржливо производство. Со користење на природни сертифицирани материјали, брендот ги следи светските стандарди за етичка и еколошка мода. 

Идејата за Yova на Натали ѝ дошла за време на Covid изолацијата во Милано. Натали веќе долги години работела на дизајнирањето и целосното развивање на производи, што придонело да го искористи овој период за да ја продлабочи својата страст за плетење. 

„Плетењето секогаш ми било омилено, но во Милано си поставив предизвик секој ден да дизајнирам ново плетено парче. Тоа ме инспирираше да размислувам за начин како оваа пасија да прерасне во нешто повеќе,“ објаснува Натали. 

Приказната за Yova започна од идејата да се спојат традиционалните занаети со современиот дизајн, создавајќи уникатни производи кои добиваат и препознатливост на глобално ниво.   

Одржливо производство – патот до етички успешен бизнис 

За Yova, одржливоста не е само поим, туку комплетна филозофија на производство. Тие подеднакво ја негуваат љубовта кон природата, животните и луѓето. Брендот обрнува внимание на секој чекор од животниот циклус на производот и за секој кој е вклучен во него. 

„Најпрво внимаваме материјалите кои ги користиме да доаѓаат од проверени сертифицирани извори и да не се од животинско потекло, потоа се грижиме условите во кои е направен нашиот производ да бидат фер за сите вклучени во процесот, се грижиме да користиме зелени програми за транспорт, и секако битно ни е да знаеме што ќе се случи со нашиот производ кога тој веќе нема да биде во употреба.

Конкретно нашите производи кога ќе се стават во земја се разградуваат за 12 недели без користење на никакви хемикалии.  За да имаме еден одржлив животен циклус, потребно е да се размиси за сите овие чекори уште пред да се почне со дизајнирање на производот, а тоа е и најголемиот предизвик.“ 

За да постои одржлив животен циклус, потребно е да се размисли за сите овие чекори уште пред да се почне со дизајнирање на производот, а тоа е и најголемиот предизвик.  

Предизвици на патот  

Секој стартап минува низ различни фази исполнети со предизвици, а Натали ни ги сподели трите најголеми со кои се соочила во текот на својот пат.  

1. Организација на синџирот за снабдување и логистика – За стартап кој користи специјализирани материјали како Yova овој предизвик претставувал критична точка.   
2. Финансирање – Секој стартап треба да бара креативни начини за обезбедување финансии, преку партнери, грантови или иницијативи за поддршка на иновации.  
3. Пробивање на нови пазари – Денес, овој предизвик е клучен за растот на брендот Yova.  

Глобален успех во 2024  

Во 2024 година, Yova ја лансираше својата прва колекција со 24 производи кои беа претставени во  Словенија, Милано, Париз и Њу Јорк. Дополнително, Yova стана дел од најголемата платформа за големопродажба, Faire, а од оваа година производите ќе можат да се купат и во физички мултибренд продавници во САД, вклучувајќи го и Њу Јорк.   

Овој успешен бизнис нека биде доказ дека дури и стартапите од мали земји можат да доминираат на глобалниот пазар, кога се водени од јасна визија и страст.  

Совети за идни претприемачи  

Од своето искуство, Натали ги сподели најважните препораки за сите кои сакаат да започнат свој стартап:  

1. Истражете го пазарот – Разговарајте со потенцијалните клиенти за нивните потреби. Ова ќе ви помогне да го обликувате вашиот производ според реалните барања.  
2. Тестирајте и подобрувајте – Брзината на тестирање и интегрирање на повратни информации е клучна за успехот.  
3. Создадете силен тим и партнерства – Тимот е столбот на секој успешен бизнис. Добро дефинираните партнерства ни носат финансиска стабилност и нови можности за развој.  
4. Не се откажувајте – Најголемиот успех доаѓа кога не се откажувате, дури и кога ќе се појават пречки.   

Поддршка за стартап заедницата  

Натали сподели дека и е драго што соработува со банка која е партнер на стартап заедницата. Стартап пакетот од ПроКредит Банка е само дел од она што го нуди како поддршка на претприемачите.

Банката континурирано вложува во едукација, ментортво и организирање и поддршка на настани наменети за стартапи, како што се Стартап викендите, Hive Room сесиите итн. На овој начин се создава средина каде што младите претприемачи можат да учат, соработуваат и да растат.   

Затоа доколку сте на самиот почеток или веќе имате оформена визија за вашиот бизнис, ПроКредит Банка е финансиски партнер кој ќе овозможи да ја реализирате вашата идеја.   

Создај сопствен успешен бизнис  

За крај, Yova е инспиративен пример за тоа како една бизнис идеја може да се претвори во успешен бизнис со глобален потенцијал. Оваа приказна е доказ дека упорноста, страста и визијата можат да донесат големи резултати.  

Ако и вие размислувате за основање на свој стартап, сега е моментот да направите чекор напред и да започнете своја приказна. 

Ефективното управување со ликвидноста е од витално значење за секој бизнис, без разлика на големината и индустријата во којашто дејствува. За таа цел, постојат два основни финансиски инструменти: кредитна линија и дозволено пречекорување. Тие овозможуваат флексибилност и пристап до дополнителни средства во ситуации кога постојат финансиски празнини или кога имате потреба за краткорочно или долгорочно финансирање. 

Иако на прв поглед изгледаат слично, овие два финансиски инструменти имаат уникатни карактеристики, предности и ограничувања. Во продолжение ќе ги разгледаме детално нивните разлики, предности и ситуации во кои тие се најсоодветни за вашиот бизнис. 

Заеднички предности на кредитна линија и дозволено пречекорување 

И кредитната линија и дозволеното пречекорување придонесуваат за: 

• Обезбедување на финансиска стабилност – компаниите можат да ги исполнат своите обврски на време, избегнувајќи казни или губење на доверба кај добавувачите. 

• Намалување на финансискиот стрес – со пристап до дополнителни средства, бизнисите можат да се фокусираат на растот и управувањето наместо на краткорочни финансиски предизвици. 

• Флексибилно планирање – овие алатки овозможуваат подобро предвидување и планирање на финансиските текови. 

• Револвинг механизам – доколку условите се исполнети, кредитната линија може да се обнови за нов период без да се затвори тековната изложеност

Со правилна употреба на овие финансиски инструменти имате можност да ги оптимизирате своите ресурси, да ја подобрите својата ликвидност и да обезбедите долгорочен раст. 

Што е кредитна линија? 

Кредитната линија претставува краткорочен кредитен инструмент кој се користи за финансирање на потребите за обртен капитал. Овој инструмент е дизајниран за бизниси кои имаат потреба од флексибилни и повторливи извори на финансии, особено за плаќања кон добавувачи или за купување поголеми количини производи. 

Карактеристики на кредитната линија: 

• Флексибилност: Кредитната линија им овозможува на компаниите да ги повлекуваат и враќаат средствата според потребите, без строги рокови за отплата. 

• Револвинг механизам: Доколку условите се исполнети, кредитната линија може да се обнови за нов период без да се затвори тековната изложеност. 

• Намалени каматни трошоци: Каматата се пресметува само на искористениот износ, што го прави производот економичен за бизнисите кои сакаат да ги минимизираат своите финансиски трошоци. 

• Електронска контрола: Корисниците можат да ја управуваат кредитната линија преку електронско банкарство, со задолжително прикачување на соодветни документи за секоја трансакција. 

Како може кредитна линија да ви помогне во управување со ликвидноста? 

Кредитната линија е идеална за компании кои имаат предвидливи, но периодични финансиски потреби. Оваа алатка обезбедува рамка за управување со работниот капитал, што е основа за финансиска стабилност и раст. 

Финансирање на поголеми набавки и проекти  

Компаниите можат да користат кредитна линија за да купат големи количини на залихи или суровини. На пример, ако добавувачите нудат попуст за купување во поголеми количини, компанијата може да го искористи кредитот за да ги искористи поволните услови и да го зголеми својот профит. 

Флексибилност при користење на средствата  

Компаниите можат да повлекуваат средства од кредитната линија само кога им се потребни, а камата се плаќа само за искористениот износ. Ова помага да се оптимизираат трошоците и да се избегне непотребно задолжување. 

Поддршка за сезонски бизниси 

Бизнисите кои се соочуваат со сезонски флуктуации во побарувачката можат да користат кредитна линија за да ги финансираат трошоците во периоди на висок обем на работа и да го враќаат долгот кога приходите ќе се стабилизираат. 

Контрола врз паричните текови  

Со можноста да го планираат користењето на средствата, компаниите можат подобро да ги менаџираат своите трошоци и да обезбедат доволно пари за исполнување на сите обврски. 

Што е дозволено пречекорување? 

Дозволеното пречекорување е кредитен лимит кој е директно поврзан со вашата редовна сметка. Оваа алатка е дизајнирана за бизниси кои се соочуваат со краткорочни ликвидносни потреби, како ненадејни трошоци или временски разлики помеѓу приходите и расходите. 

Карактеристики на дозволеното пречекорување: 

• Автоматско активирање: Пречекорувањето станува достапно веднаш штом вашата сметка влезе во минус, без потреба од дополнителни чекори. 

• Брза реакција: Идеално за итни ситуации каде времето е критичен фактор. 

• Дневна пресметка на камати: Каматата се пресметува на дневна основа, а сите приливи на сметката автоматски го намалуваат искористеното пречекорување. 

• Флексибилност: Овој производ е едноставен за користење преку електронско банкарство, што овозможува брз пристап до средствата. 

Како може дозволено пречекорување да ви помогне во управување со ликвидноста? 

Дозволеното пречекорување е дизајнирано за да покрива краткорочни финансиски празнини и непредвидливи трошоци. Оваа алатка им овозможува на компаниите брз пристап до средства кога тие се најпотребни. 

Покривање на краткорочни ликвидносни празнини  

Компаниите често се соочуваат со временска разлика меѓу приходите и расходите. На пример, ако клиенти доцнат со плаќања, а истовремено треба да се платат добавувачи, дозволеното пречекорување може брзо да го пополни овој јаз. 

Брзина и едноставност  

Пречекорувањето се активира автоматски, што го прави одличен избор за итни ситуации. На пример, ако се појави итен трошок, компанијата нема потреба да чека процес на одобрување, туку може веднаш да ги искористи средствата. 

Автоматско враќање на долгот  

Сите приливи на сметката автоматски се користат за да се намали искористеното пречекорување. Ова ја елиминира потребата од дополнителни трансакции и го олеснува управувањето со долговите. 

Флексибилност за мали износи  

Компаниите можат да користат дозволено пречекорување за релативно мали и краткорочни финансиски потреби, без да се обврзуваат на поголеми задолжувања или подолги рокови. 

Главни разлики помеѓу кредитна линија и дозволено пречекорување 

Како да го направите вистинскиот избор? 

За да изберете кој финансиски инструмент е најдобар за вас, разгледајте ги следниве фактори: 

1. Големината на потребните средства: Кредитната линија е подобра опција за поголеми износи, додека дозволеното пречекорување е посоодветно за помали износи. 

2. Траење на потребата: Доколку вашите финансиски потреби траат подолг период, кредитната линија е посоодветна. За краткорочни потреби, дозволеното пречекорување е попрактично. 

3. Време на одобрување: Ако ви требаат средства веднаш, дозволеното пречекорување нуди побрз пристап. 

4. Контрола врз трошоците: Кредитната линија е поефикасна за претпријатија со јасна слика за своите приходи и расходи. 

И кредитната линија и дозволеното пречекорување се моќни алатки за финансиско управување, но нивната ефикасност зависи од правилната употреба. Анализирајте ги вашите финансиски навики, текови и потреби за да го изберете вистинското решение. 

Поддршката од вашата банка во облик на финансирање е клучен чекор за развој на бизнисот. Но, што е тоа што банките го оценуваат пред да одлучат дека ќе ви ја обезбедат ваквата поддршка? Во овој текст детално ќе ги разгледаме најважните критериуми за проценка на кредитоспособноста на вашата компанија. 

Како банката донесува одлука за финансирање? 

Кога ќе аплицирате за финансирање, банката врши детална анализа на вашите финансиски извештаи за да ја процени вашата кредитоспособност. Главните аспекти на анализата се: 

1. Анализа на сопственичката и менаџерската структура 
   Кога банката ја анализира сопственичката и менаџерската структура на една компанија, таа се фокусира на тоа кој е сопственикот на бизнисот и каква улога има во процесот на донесување одлуки. Дополнително, се испитува дали управувањето е централизирано или компанијата има разгранета структура со посебни сектори како што се продажба, производство и набавка, што може да влијае врз ефикасноста на функционирањето. 

2. Бизнис модел  
   Во однос на бизнис моделот, клучно е да се разбере како компанијата остварува профит и кои се нејзините главни производи или услуги. Истовремено, анализата се насочува кон проценка на пазарот во кој компанијата работи, како и кон позицијата во однос на конкурентите. Ова се значајни показатели за идниот потенцијал и одржливоста на бизнисот. 

3. Финансиска анализа 
   Финансиската анализа го разгледува работењето на компанијата преку четири основни категории на финансиски коефициенти: ликвидност, ефикасност, задолженост и профитабилност. Овие показатели обезбедуваат подлабоко разбирање за финансиската стабилност и капацитетот на компанијата за редовно исполнување на своите обврски. 

4. Кредитна историја и обезбедување 
   Банката ја истражува и кредитната историја на компанијата, односно нејзината досегашна практика во отплата на долговите. Се проверува дали обврските биле редовно и навремено подмирени. Истовремено, значајно е и обезбедувањето за кредитот, кое треба да биде стабилно, ликвидно и со соодветна вредност за да се гарантира сигурноста на финансирањето. 

Финансиски коефициенти за проценка на финансиската стабилност 

Банката ги користи следните четири групи финансиски коефициенти за да го процени вашиот бизнис: 

Коефициенти на ликвидност 

• Тековен коефициент: Односот меѓу краткорочните средства и краткорочните обврски. Поголем коефициент значи поголема стабилност. 

• Коефициент на забрзана ликвидност: Укажува на способноста за подмирување на тековните обврски под претпоставка дека залихите се помалку ликвидни или не може да се продадат. Повисок коефициент значи поголема можност за редовно подмирување на тековните обврски.  

• Нето обртни средства: Нето обртниот капитал е директно поврзан со ликвидноста на друштвото. Ако имаме коефициент на тековна ликвидност поголем од 1, тоа значи дека нето обртниот капитал е позитивен. Обртниот капитал е нето износ од вкупниот капитал кој стои на располагање за подмирување на тековните обврски. 

Коефициенти на ефикасност 

• Обрт на должници: Покажува колку брзо се наплатуваат побарувањата, односно колку денови поминуваат од продажбата па сѐ до приливот настанат по основ на побарувањето. Што пократок период тоа значи побрз прилив на средства. 

• Обрт на доверителите: Го покажува просечниот период на плаќање на обврските кон добавувачите, кој секогаш треба да се споредува со роковите за плаќање. Доколку деновите на наплата се пониски од деновите на плаќање на обврските, тоа е сигнал за поголема ликвидност на друштвото. 

• Обрт на залихи: Укажува на брзината со која залихите се претвораат во приходи. Овој коефициент се споредува со ист коефициент од други периоди од работењетоили пак со показател на друго друштво коешто работи со истата дејност. Брзиот период на продажба на залихите укажува на позитивно работење на компанијата. 

• Циклус на конверзија на готовина: Коефициент кој претставува комбинација од претходните показатели и укажува на вкупната ликвидност. Го покажува периодот во кој средствата од работењето се врзани во тековни средства, односно колкав период е потребен за да се финансира од интерни или екстерни извори за друштвото да дојде до готовина. 

Коефициенти на задолженост 

• Финансиска потпора:  Го покажува односот помеѓу вкупните средства и капиталот. Понискиот коефициент покажува дека друштвото има висок капитал, што ветува поголема заштита доколку се појават проблеми со ликвидноста.  

• Сооднос на капиталот: Покажува колку од активата на друштвото е финансирана со сопствени средства. Повисок коефициент значи поголема стабилност на друштвото. 

• Парична маржа: Покажува колкава е најниската граница на која можат да се намалат приходите за друштвото да не работи со загуба. Овој показател овозможува проектирање на приходите за идното работење на друштвото. 

Коефициенти на профитабилност 

• Бруто профитна маржа: Односот меѓу бруто добивката и приходите од продажба. Овој показател секогаш се изразува во проценти и секогаш треба да се споредува со коефициентот на друштва кои се занимаваат со иста дејност или во согласност со дефинирани пазарни стандарди. 

• Нето профитна маржа: Мери колку е профитабилен вашиот бизнис по сите трошоци. Колку е повисок коефициентот тоа покажува дека друштвото е повеќе профитабилно. 

• Поврат на средства (ROA) и капитал (ROE): Коефициенти кои ја покажуваат ефикасноста на управување со ресурсите. Односно, покажуваат колку ефикасно се користи капиталот и позајмените средства, како и стабилноста и профитабилноста на бизнисот. 

За што се користи финансирањето? 

Банката мора да биде сигурна дека средствата ќе се користат наменски. Главните намени за финансирање вклучуваат: 

• Работен капитал: Зголемување на залихи, купување нови стоки или различни добавувачи. 

• Фиксни средства: Инвестиции во недвижности, опрема или возила. 

• Други потреби: Лиценци, консултации, маркетинг кампањи. 

Проектите како фотонапонски централи, градежни проекти или други обновливи извори на енергија, исто така, бараат специфична документација и анализа. 

Како да го подобрите вашиот профил за финансирање? 

За да ја зголемите веројатноста за добивање финансиска поддршка, важно е да покажете финансиска стабилност, јасна стратегија и доверливост пред банката. 

• Редовно ажурирајте ги финансиските извештаи: Точни и детални податоци покажуваат транспарентност. 

• Одржувајте позитивна кредитна историја: Доверливоста е клучен фактор. 

• Јасно дефинирајте ги целите за финансирање: Објаснете како ќе ги користите средствата и каков ефект ќе имаат врз вашиот бизнис. 

• Инвестирајте во обука и опрема: Ова ја покажува вашата посветеност на растот и ефикасноста. 

 
Подгответе ги вашите финансиски извештаи, дефинирајте јасни цели и соработувајте со банката за да создадете силна основа за вашиот бизнис.