Month: May 2024

Обука за нововработени е најдобар избор за започнување кариера – интервју со Петар Спасовски

Posted on by piksel_marketing

Вработувањето преку Онбординг програмата на ПроКредит Банка која претставува обука за нововработени, му потвдри на Петар Спасовски дека го направил вистинскиот избор за отпочнување на својата кариера во банкарскиот сектор.

Што ја издвои ПроКредит од останатите работодавачи?

Кога размислував за работно место, а знаев дека сакам да работам во секторот финансии, дојдов до заклучок дека ПроКредит Банка нуди многу поголем и побрз личен и кариерен развој споредено со другите банки. Персонализираниот пристап кој ПроКредит го има кон своите вработени е она што кај мене најмногу влијаеше да одлучам  дека тука сакам да  започнам да ја градам својата кариера во светот на финансиите.

Онбординг програмата им дава можност на младите да се насочат кон работната позиција која најмногу им одговара според нивниот профил, карактер и интереси.

обука за нововработени

Зошто обука за нововработени?

Уште кога разгледував можности за мое вработување, сфатив дека со Онбординг програмата, ПроКредит нуди сосема различен пристап, кој мене повеќе ми одговараше – доедукација, но не во форма на формално образование како мастер програма, туку преку практични примери, но и реални ситуации од секојдневното работење да го надградам знаењето добиено од факултет, а тоа беше токму и она што го  добив од оваа програма. За програмата знаев уште од студентските денови, како и дека дел од програмата се одвива во Белград.

Што научи на Онбординг програмата, кои беа придобивките?

Техничкиот дел од Онбординг програмата ми ја даде потребната основа за работењето, која секој кој работи во банка мора да ја поседува. Од една страна се стекнав со нови знаења и ги утврдив веќе постоечките кои се однесуваат на основни банкарски работи како кредитирање, депозити, банкарски услуги и др., кои, без разлика во кој сектор од банката да работиш, мора да ги знаеш.

Од друга страна пак, ја разбравме улогата на банките во општеството и како се под влијание но и како влијаат на сите микро и макро економски случувања во државата, па затоа од функционална важност е секој од нас да ги знае сите тековни настани, случувања и трендови во општеството.

Освен со стручно и техничко знаење, голем дел од програмата е посветен на развивање на меки вештини преку изучување теми од областа на филозофија, етика, поттикнување на критичко размислување и сл, преку кои ги подобрив своите ораторски, презентациски и комуникациски вештини.

Каков беше животот во Белград за време на тие 5 недели кога се одвиваше обуката за нововработени?

Тој дел од Онбординг програмата беше навистина одличен. Покрај теоретското, стручното и практичното знаење кое го стекнавме, самиот престој и живот во Белград дополнително ни ја зголеми самодовербата, ни овозможи да запознаеме луѓе и стекнеме пријатели од други држави и да ги прошириме нашите хоризонти. Тие дружби, особено за време на викендите кога сме слободни и немаме настава, ќе ги паметам уште долго.

Кој е следниот чекор во твојата кариера?

Да продолжам да се развивам со ист или посилен интензитет, како би ги искористил стекнатите знаења и способности во успешно исполнување на улогата која ја имаат мојата работна позиција и Банката – стабилен партнер на малите и средни претпријатија во државата кои се движечка сила на економијата во државата.

Hive Room – бесплатен коворкинг простор по светски стандарди

Posted on by piksel_marketing

Начинот на работење е категорија која постојано се менува, а тоа е резултат на сé поголемата слобода која многу професионалци ја имаат да самите одлучат од каде ќе работат, колку ќе работат и на кој начин. Следствено на оваа зачестена појава, особено по завршување на ковид-кризата, се појави нов, брзорастечки тренд во светот на бизнисот, во кој и Скопје како главен економски центар на нашата земја, не заостанува. Во последниве години, коворкинг просторите кои првенствено беа интересни само за фриленсерите и дигиталните номади, станаа сè поатрактивна опција и за претприемачите, работниците од далечина, сопствениците на мали бизниси и нивните тимови, и особено за малите стартапи. Покрај професионалците од ИТ и креативните индустрии, денес сѐ почесто и маркетинг агенции, правници, архитекти и др., користат коворкинг простори, како што е Hive Room.

Кои се предностите при работење во коворкинг простор?

Коворкинг (co-working) просторите се заеднички работни простории каде поединци од различни професии работат заедно во заедничка средина. Но, тоа е повеќе од само модерна, удобна и пријатна канцелариска инфраструктура; станува збор всушност за создавање заедница која поттикнува вмрежување, учење и споделување идеи,  и неретко дава можности за размена на знаење помеѓу експерти од различни области кои можат да соработуваат на проекти или дури и да започнат  заеднички бизнис.

Контактите остварени во коворкинг средината многу често резултираат и со успешна деловна соработка што претставува значителна предност. Накратко кажано, идејата зад концептот коворкинг простор е да се создаде заедница за соработка и поддршка која ја поттикнува креативноста, продуктивноста и растот, истовремено нудејќи многу предности, како што се:

  • Поврзување со други креативни и амбициозни луѓе кои можат да ви помогнат со совети, идеи или соработка.
  • Зголемување на продуктивноста и мотивацијата со тоа што ќе работите во инспиративна околина.
  • Намалување на трошоците за закуп на канцелариски простор, опрема и услуги.
  • Подобрување на рамнотежата помеѓу работата и приватниот живот
  • Искористување на разни погодности и бенефиции кои ги нудат модерните коворкинг простори, како обуки, настани и др.

Затоа, ако сте во потрага по алтернативен начин на работа кој ќе ви овозможи да се развивате, да учите и да се забавувате, размислете за работењето во коворкинг простор.

Hive Room – бесплатен коворкинг простор во Скопје за стартапи и фриленсери!

Од неодамна кај нас е отворен и нов коворкинг модерно опремен простор кој располага со шест работни позиции кои модуларно можат да се користат за еден тим или за шест индивидуалци. Hive Room е бесплатен коворкинг простор кој заинтересираните фриленсери и стартап компании може да го користат на одредено време.

Зошто токму овие категории? Бидејќи стартапите тукушто навлегуваат во светот на претприемаштвото и секоја поддршка за нив е повеќе од добредојдена, како во насока на обезбедување на модерна, инспиративна и продуктивна работна средина, така и во поглед на економичност кон трошоците кои се неизбежни.

Фриленсерите пак, од друга страна, најчесто се индивидуалци кои се ангажирани на различни проекти со стриктни рокови, поради што коворкинг простор како Hive Room за нив претставува идеално и инспиративно опкружување за максимална продуктивност.

Како да ги користите бесплатните услугите на Hive Room коворкинг просторот?

Доколку сте фриленсер/ка имате можност да резервирате една недела бесплатен пристап до HiveRoom, додека пак за стартап компаниите овозможена е опција за двонеделно бесплатно користење на просторот. Се што треба да направите е да ја посетите веб страната за аплицирање на Hive Room, а потоа тимот на Hive Room ќе Ве контактира за да се договорите за период на користење согласно капацитетот на самиот простор.

Што е одговорна банка?

Posted on by piksel_marketing

Банките имаат огромен удел при одредувањето на насоката на движењето на економијата преку инвестиција во одржлива иднина. Од апликации за следење на CO2 отпечатокот до кредити за фотоволтаични централи, денес банките во светот мора да бидат едни од лидерите при справувањето со глобалните предизвици поврзани со климатските промени, социјалната нееднаквост, ранливоста на енергетските системи и одржливоста на социо-економското опкружување. Лидерската улога бара визија, бара принципи на одговорна банка.

Што е одговорна банка?

Одговорна банка во овој контекст, е банка која дејствува во насока на одржлив развој и заштита на животната средина, преку одржливо финансирање на проекти кои имаат позитивен ефект врз природата чиј фокус најчесто е во инвестирањето во обновливи извори на енергија и социјално одговорни бизниси. Основа за одржливо работење од страна на банките насекаде во светот е ESG концептот (Environment, Social, Governance).

Што можат банките да направат за одржлива иднина?

Неколку добри практики кои придонесуваат кон одржливоста и прават една банка да биде одговорна банка:

Инвестиции во обновливи извори на енергија

Банките можат да промовираат кредити за инсталирање на фотоволтаични централи, и да помогнат во едукација на своите клиенти. Овие инвестиции ќе ја намалат вкупната потрошувачка на енергија и ќе помогнат во намалување на емисиите на стакленички гасови.

Финансирање на проекти за енергетска ефикасност

Банките можат да предложат кредити за замена на стари апарати со нови, енергетски ефикасни апарати или за инсталирање на системи за греење и ладење кои користат енергија со помалку емисии.

Утврдување на листа на активности кои банките нема да ги кредитираат

Оваа листа да содржи активности од разни домени на работењето на потенцијалните клиенти како што се неетички практики и услови за работа, дејности кои се штетни за здравјето и животната средина, дејности кои имаат негативно влијание врз заедницата, како и правни субјекти кои вршат конкретни неприфатливи дејности кои банката нема да ги финансира. 

Воспоставување систем за управување со животната средина

Банките да воспостават Систем за управување со животната средина кој ќе содржи компоненти како:

  • интерен систем за управување со животната средина за да се овозможи подобро разбирање и подобрување на одржливоста на сопственото користење на енергија и влијание врз животната средина;
  • управување со ризикот од животната средина кај кредитирањето преку постојани и темелни проценки и со инкорпорирани прашања од животната средина во процесот на одобрување кредити, воедно да ја подигнуваат свесноста на клиентите за животната средина;
  • да промовираат „зелено финансирање“. 

Дигитализација на процесите и инвестирање во луѓето

Банките секако треба да тргнат од себе, да ги дигитализираат и автоматизираат процесите и за тоа соодветно да ги обучат вработените. Намалувањето на употребата на хартија е еден од главните чекори кои банките ги превемаат во насока на целосно преминување во дигиталната сфера при работењето.

Применување на високи стандарди на одговорна банка

Применување на високи еколошки и енергетски стандарди при изградба, реновирање на опремување на сопствената деловната мрежа со што значително би ја намалиле потрошувачката на струја.

Промоција на електромобилност

Самите банки да промовираат електромобилност во својот возен парк, на струја произведена од сопствена фотоволтаична централа.

Извештаи за инвестиција во одржлива иднина

Јавно да објавуваат извештаи за одржливост кој ќе содржи детални информации на нивниот бизнис модел и сите активности кои ги преземаат за намалување на негативното влијание врз животната средина.

Колкава е свесноста на луѓето за концептот на одговорна банка?

Од огромна важност е улогата на банката во советување и информирање на клиентите за предизвиците со климатските промени и другите глобални предизвици, како и за важноста на инвестирањето во одржливи проекти. Искуството на ПроКредит Банка покажува дека расте интересот кај клиентите за т.н. „зелено финансирање“.

„Досега, околу 20% од кредитното портфолио на ПроКредит Банка е пласирано во зелени кредити, податок на кој ние како банка ориентирана кон одржливо работење, сме особено горди. Ако сето ова го интерпретираме низ ефектот врз животната средина, избегнавме емисија на 18.000 тони CO2, еквивалентно со отстранување на 9.200 возила од сообраќај за една година“– вели Емилија Спировска од Управниот одбор на ПроКредит Банка, додавајќи дека соодветна проценка на еколошкиот ризик при соработката со секој клиент е задолжителна, со цел да се избегне пласирање на средства во еколошко или социјално неподобни проекти.

Со поддршка на инвестиции во обновливи извори на енергија и општествено одговорни бизниси, пласирање на поволни кредити, банките веќе ги поттикнуваат бизнис клиенти да ја ограничат нивната зависност од фосилни горива и да преминат кон одржливи деловни модели. „Заради нашата проактивна и советодавна улога, компаниите кои се клиенти на ПроКредит Банка инвестираат во фотоволтаични централи за сопствена употреба дури три пати повеќе во однос на останатите компании на пазарот. Така, до сега имаме финансирано преку 120 фотоволтаични централи поставени на кров со преку 40 МВ инсталиран капацитет.“ – истакнува Спировска.

ESG стандарди во банкарството

Posted on by piksel_marketing

ESG стандарди во банкарството станаа нужност како резултат на глобалната криза на повеќе полиња, здравствена, економска и енергетска криза, како и воениот конфликт во Украина и слично. Во корпоративниот свет беше изразен фокусот на одржливо и одговорно работење како  предуслов за опстојување на компаниите  и  отпорност кон надворешните влијанија. Во овие услови, компаниите кои успешно се справија со сите предизвици со кои се соочивме беа оние компании кои својата успешност не ја мерат само низ призмата на остварениот профит, туку и преку своето влијание врз животната и социјалната средина, економијата и луѓето, познати како ESG стандарди (Environmental Impact – Social Responsibility – Governance Practices).

ESG стандарди во ПроКредит Банка

Токму овој концепт на работење е тоа што ја прави ПроКредит Банка успешна приказна на нашиот пазар веќе 20 години. Како развојно-ориентирана Банка, работењето се темели врз имплементираните ESG стандарди во банкарството преку кои се следи, мери, но и транспарентно известува за влијанието во трите клучни столбови: животна средина, социјално опкружување и корпоративно управување, земајќи ги предвид сите засегнати страни – вработените, клиентите, акционерите, соработниците, општата заедница. На Групациско ниво, врз основа на овие известувања Банката има остварено позитивен ESG рејтинг од две рејтинг агенции.

Во однос на сопственото влијание врз животната средина, Банката значително го има намалено својот јаглероден отпечаток во изминативе неколку години што се должи на воспоставениот систем за управување со животната средина и направените “зелени и одржливи” инвестиции. Така, врз основа на постигнатата заштеда на енергија од 73%, заштеда на вода од 21% и 35% помалку потрошена енергија за производство на материјалите кои се искористени за изградба, зградата на Централната управа на Банката е сертифицирана со EDGE ADVANCED CERTIFICATE, меѓународен сертификат за зелени згради.

Банката инвестира и во електричен возен парк што во моментот го чини 70% од вкупниот возен парк. Овие инвестиции покрај тоа што имаат позитивно влијание врз животната средина, долгорочно имаат и позитивен финансиски бенефити врз работењето на Банката и ја прават отпорна на надворешните фактори, како што се климатските промени или пак енергетска и економска криза.

Финансирање на клиенти

Покрај минимизирање на сопственото негативно влијание, Банката оваа имплементација на ESG стандардите ја транспонира и во процесот на финансирање на клиентите. Силните финансиски перформаси на компаниите, ниту можат, ниту смеат да го надоместат негативниот импакт врз животната и социјална средина, па оттука за одговорно банкарско работење неопходна е и интеграција на нефинансиските аспекти при носење на одлука за поддршка на одредени проекти. 

Во оваа насока, Банката има јавно објавено листа на дејности и активности кои не ги подржува поради нивното негативно влијание врз животната средина или врз социјалното општество, а последно додадени на таа листа беа и производителите на пластични производи за еднократна употреба поради големото негативно влијание врз животната средина и финансирање на фотоволтаични централи кои користат панели произведени во региониот Xinjiang во Кина, поради основани сомневања за злоупотреба на трудот и повреда на основните човекови права.

Ова значи дека Банката е подготвена да го ограничи растот на своето портфолио со цел да може да се создадат услови за долгорочен одржлив економски развој кој нема да биде на ничија штета.

Одржлив развој на опкружувањето

Од друга страна, имплементирањето на ESG стандарди во банкарството подразбира и стимулирање на одржлив развој на целокупното опкружување, а тука пак улогата на Банката е во насока на подршка на своите клиенти во нивните одржливи инвестиции, улога која е проактивна и советодавна.

Банката не чека клиентите да пристапат со идеја за зелени инвестиции, напротив знаењето кое Банката го има за одржливите “зелени” технологии несебично го споделува со своите клиенти со цел да им ги предочи предностите на долг рок од ваквите инвестиции и на тој начин да го стимулира одржливиот развој.

За таа цел Банката организира различни едукативни работилници и настани за клиенти и за пошироката јавност, а таков пример беа и организираните работилници за инвестиции во фотоволтаични централи далеку пред енергетската криза, што резултираше со повеќе од 170 финансирани фотоцентрали или 61 MW финансиран инсталиран капацитет.

Одржлив развој на социјалното опкружување

Креирање на подобра иднина за сите засегната страни во синџирот на вредности  на Банката значи и изразен фокус на социјалното опкружување. Банката останува силно посветена на поддршка на малите и средни претпријатија кои се моторот на одржливата економија, поттикнуваат иновативност  и вработуваат околу 80% од работната сила во приватниот сектор. Дури 90% од вкупното портфолио на Банката е насочено кон подршка на малите и средни претпријатија, а за ваква поддршка неопходна е силна посветеност на вработените во остварување на оваа мисија.

Придонесот кон социјалното општество можеби и најдиректно се гледа преку инвестицијата во кадрите на Банката, кои се носители на вредностите на институцијата. Делењето на исти вредности со институцијата, добри работни услови и позитивна работна атмосфера, како и професионалниот напредок и развој се секако подеднакво важни за вработениот како и паричниот надомест, затоа во Банката се става особен фокус на овие елементи.

За таа цел Банката вложува повеќе од 60.000 часови годишно во едукација на своите вработени, им овозможува соодветна обука и тренинг за конкретната работна позиција, меѓународна размена на искуство во рамки на Групацијата, учество на ПроКредит академиите, но и редовни годишни обуки од областа на животна и социјална средина кои оваа година се одржуваат на темите на родова еднаквост и имплементација на ESG стандарди.

Корпоративни вредности и ESG стандарди

За институцијата  есенцијално е почитувањето на основните корпоративни вредности како што се личниот интегритет и посветеност, високите професионални стандарди, општествената одговорност, културата на отворена комуникација и транспарентност.  Овие вредности се темелот на корпоративното управување и одговорното работење  и нивната ефективна примена е од суштинско значење за да се овозможи имплементацијата на  ESG стандардите односно интеграција на одржливоста  при носење на одлуките во секојдневното работење. 

Одговорно банкарство, како и одржливо и одговорно финансирање за банката е  институционална определба која  ја живееме веќе 20 години, имплементацијата на ESG стандардите е само средство за спроведување на оваа мисија. Преку давање на приоритет на ESG стандардите во своето секојдневно работење, Банката од една страна  поттикнува одржлив развој и иновации, но од друга страна и креира потреба за имплементација на нови производи и услуги кои ќе помогнат во справување со еколошките и социјалните предизвици.  

Со давање на својата подршка на транзицијата кон зелена и одржлива економија и промовирање на социјална инклузивност, Банката помага во создавање на поодржлива и поправична иднина за сите засегнати страни во својот синџир на вредности, а со тоа ја зацврстува и својата позиција на развојно ориентирана институција фокусирана на долгорочен одржлив раст и развој наспроти, краткорочна максимизација на профит.

Инвестиција во развој на младите кадри

Posted on by piksel_marketing

Инвестиција во развој на кадрите е нужна поради брзата промена на пазарот на трудот, влијанието на технолошките иновации, глобализацијата, демографските промени и еколошките предизвици. Овие промени создаваат нови можности и предизвици за работниците, работодавачите и креаторите на политиките. За да се прилагодат на променливиот пазар на трудот, нужно за вработените е да стекнат нови вештини и компетенции, работодавачите да направат инвестиција во развој на човечки капитал и иновации, а креаторите на политики потребно е да дизајнираат ефективни политики и институции кои поддржуваат инклузивен и одржлив раст.

Фокус на луѓето

Следејќи ги овие актуелни светски трендови, ПроКредит Банка веќе се профилира кај нас како целосно дигитализирана банка, што го редефинира класичниот опис на работното место „банкар“, каде вработените многу поголем дел од своето време го посветуваат на критичко и креативно размислување, квалитетна и персонализирана услуга кон своите клиенти, развој на нови производи и надоградување на своите вештини, наспроти рутинските оперативни активности кои се остваруваат на традиционалните шалтери.

За младите кадри повеќе не е доволно да добијат само добра плата и позиција, тие денес се стремат кон многу повеќе, односно пријатна работна атмосфера, флексибилност, колеги со кои функционираат како семејство, вредување на нивните идеи, постојани можности за напредок и секако, работна средина во која ќе се слушне нивниот глас.

Нив ги привлекува работењето во компании кои се поистоветуваат со нивните етички вредности и кои имаат силен фокус на општествена и еколошка одговорност, компании кои постојано ги следат модерните текови, дигитализацијата, високото вреднување на човечките ресурси, како и иновативноста, а традиционалниот банкарски свет често е ригиден, па оттука им се создаваат безброј недоумици.

Програма за инвестиција во развој на вештини

Ана Марија и Стефан се двајца млади кои се соочиле со истите сомнежи, но не се откажале од својата желба за квалитетно вработување. Па така поминувајќи ја онбординг програмата на ПроКредит Банка, која е наменета за млади и талентирани лица кои немаат претходно работно искуство, а сакаат да ги прошират хоризонтите во однос на банкарското работење, да работат во банка која „се движи“ со времето, да бидат онаму каде што припаѓаат, да учат од најдобрите и да станат дел од нив, ја добиле заслужената позиција.

Тие го споделуваат нивното искуство со вас за работењето во уникатна работна средина, во банка која го цени карактерот на секој индивидуалец, придонесот на секој вработен  и ги пресретнува очекувањата на младите и прогресивни кадри. ПроКредит знае дека светот останува на младите, па затоа инвестира во нивна успешна иднина.

Фриленс пакет за современи професионалци

Posted on by piksel_marketing

ПроКредит банка, како модерна дигитална банка, нуди целосна флексибилност на своите клиенти и пристап до услугите од било кое место и во било кое време, уживајќи го комфорот на нивниот дом, канцеларија или кафуле – некаде каде тие лично го поминуваат својот ден, без специјална посета на банка и чекање во ред. Овој прогресивен и иновативен модел на работа на банката се поистоветува со животниот стил и потребите кои ги наметнуваат современите професии, па така ПроКредит е првата банка во земјата што ја препозна уникатноста на фриленсерите и нивните финансиски предизвици со единствениот фриленс пакет.

Што нуди новиот Фриленс пакет?

Со воведување на новиот Фриленс пакет, ПроКредит нуди финансиски решенија и поддршка за младите луѓе кои вообичаено работат за странски пазар, со примања од странство. Станува збор за специјално дизајнираната понуда која ги задоволува потреби на современите професионалци и која е вистински избор за сите кои преферираат модерно, дигитално работење.

Тоа што е основа на Фриленс пакетот е електронското и мобилно банкарство на банката, кое со своите можности и функционалности овозможува вршење плаќања како во рамките на земјата, така и во странство, со само еден клик преку мобилен телефон. Дополнително, преку Зоната 24/7, фриленсерите имаат можност да вршат уплата и исплата на средства од својата сметка, денари и евра во било кој период од денот, било кој ден од неделата. Сето ова го овозможува нашата мултивалутна картичка која ги задоволува потребите на клиентите кои претпочитаат работење со различни валути. На овој начин, им овоможуваме на фриленсерите да ги користат девизните приливи  од нивната сметка директно на банкомат и без курсни разлики.

Едноставни приливи од странство

Покрај едноставниот начин на правење на трансакции, од друга страна дополнителна придобивка од пакетот за фриленсери е можноста за потпишување трајна изјава за спуштање приливи од странство, што значи дека клиентот треба само еднаш да дојде во банка и понатаму сите останати приливи автоматски ќе се спуштаат на личната сметка. Со тоа банката овозможува флексибилност, слобода и заштеда на време, за разлика од досега познатата традиционална пракса за посета на банка при секој пристигнат прилив. Право на трајна изјава има секој фриленсер што ќе приложи договори дури и со различни клиенти, но по ист основ за извршување ист тип на дејност.

Поддршка од личен советник

Нешто што особено сакаме да го издвоиме како важно е дека клиентите иако работат преку дигиталните канали, имаат директна релација со личен советник за клиенти кој ги води низ банкарскиот процес и дава целосна поддршка во донесување информирани финансиски одлуки согласно личните потреби и финансиски можности на секој клиент индивидуално. Личниот банкарски советник е тука за клиентот да се чувствува пријатно во процесот на започнување на деловна соработка со банката, како и во текот на целиот процес на работење. За нас е главен приоритет да бидеме банка партнер со која клиентите ќе градат долгорочна соработка.

Можност за кредит

Препознавајќи ги потребите на овие млади професионалци кои се во фаза од животот кога имаат потреба за одредена инвестиција, ПроКредит банка нуди можност за добивање и на кредит, како што е кредит за инвестиции, автомобилски кредит или станбен кредит, за клиенти кои работат за странство и имаат редовни месечни примања. Право на аплицирање за кредит остварува секој фриленсер од Македонија, кој има отворена сметка во ПроКредит банка и има доказ за историја на работен ангажман со кој се потврдува континуиран прилив не пократок од шест месеци.

Флекси штедна сметка

Исто така, како уникатна понуда што ја има банката е и производот Флекси штедна сметка која на клиентите им нуди можност за континуирано штедење по видување со атрактивни каматни стапки во денари и во Евра и достапност на своите заштеди во било кое време. Флексибилноста на производот е во тоа што клиентите го одредуваат износот за штедење како и периодот за кое време средствата ќе ги чуваат и акумулираат на штедната сметка. Сигурноста и достапност во секое време им дава можност во секое време да си ги  планираат правењата на идните инвестиции или пак доколку имаат потреба орочување на средствата на подолги рокови преку одбирање на производот стандардно орочен депозит.

Како да аплицирате за Фриленс пакет?

Начинот на отварање на пакетот на услуги е многу брз и едноставен. Се што треба да направите е да ја посетите нашата веб страна, да го одберете делот “Аплицирај за сметка онлајн”, внесете ги вашите податоци и очекувајте повик во рок од 24 часа од нашиот Советник за клиенти со цел да добиете детални информации за целата соработка. Одберете банка која го следи вашиот ритам и ве поддржува во секој чекор, за да можете безгрижно да се фокусирате на развојот на вашата кариера и да уживате во вашиот слободен животен стил.

ПроКредит настан – Дигитална еволуција: Одговорност на бизнисите кон иднината

Posted on by piksel_marketing

ПроКредит Банка успешно го заврши вториот настан од серијата „Дигитална еволуција – Одговорност на бизнисите кон иднината“. Станува збор за бизнис конференција посветена на унапредување на дигитализацијата во македонскиот бизнис сектор со посебен фокус на малите и средни претпријатија. 

Втор успешен настан Дигитална еволуција

По успешниот настан минатата година кој на едно место собра претставници на домашни компании од приватниот сектор, компании кои нудат дигитални услуги, како и претставници од институции кои нудат финансирање, овој пат на конференцијата се приклучија над 120 учесници од локалниот бизнис сектор.    

Претставници на 7 истакнати компании ги запознаа присутните со нивните нови и иновативни дигитални решенија прилагодени за малите и средните претпријатија. Маријана Андриќ од компанијата Маранд, Анастасија Милковска од Телеком, Лазар Грубор од Фоксит, Димитар Јаневски од Инбокс, Благоја Хамамџиев од Моделикс, Елена Димовска од Семос едукација и Проф. Др. Никица Мојсоска Блажевски од Го Дигитал со своите презентации илустрираа како овие технологии можат да ги автоматизираат процесите, да го подобрат планирањето и одлучувањето, да ги оптимизираат трошоците и да ги задоволат барањата на конкурентниот пазар.

По презентациите се одржа панел дискусијата „Дигитална трансформација – предизвици и можности“, модерирана од Милан Дамчевски, член на Управниот одбор на ПроКредит Банка, на којашто Дритан Шујаиби од Маратодент, Љубиша Веселиноски од Тим Електро Плус и Станислава Шаровиќ Павковиќ од Шизик на Ризик ги споделија своите искуства со дигиталната трансформација. 

дигитална еволуција - Милан Дамчевски

Чекор напред во поддршка на малите и средните претпријатија

Покрај споделените лични предизвици и можности, панелистите посочија и вредни стратегии за бизнисите кои започнуваат со нивните дигитални патувања.

Најголемиот новитет на настанот оваа година беше саемот за дигитални решенија и вмрежување, каде што компаниите кои презентираа беа домаќини на штандови, нудејќи им на присутните шанса подетално да ги истражат дигиталните решенија и да се поврзат со потенцијални соработници.

Дигитална еволуција – зошто е важна?

Емилија Спировска, член на Управниот одбор на ПроКредит Банка, во своето обраќање на настанот ја нагласи важноста на дигитализацијата за малите и средните претпријатија.

„Дигиталната трансформација е култура на компанијата, начин на размислување на вработените и дефинирање на бизнис модел, исто колку и интеграција на новите технологии. Дигитализацијата повеќе не е револуција, таа е процес на еволуција низ кој неминовно поминува секоја компанија. 

Праксата покажува дека тоа што е неопходно за имплементација на дигитални решенија во пракса е линк помеѓу бизнис секторот и компаниите кои нудат дигитални услуги, па токму затоа ПроКредит како партнер на бизнисите повеќе од 20 години покрај воведување нови технолошки промени и иновации во своите процеси, оди чекор понапред и нуди платформа за едукација и вмрежување на клиентите, со што наметнува забрзано темпо на дигитализација во бизнис секторот. Сметаме дека ова е неопходен чекор за компаниите да го забрзаат својот развој, да ја зголемат конкурентноста, а со тоа  да ги подобрат финансиските резулатати.“ – изјави Емилија Спировска.

дигитална еволуција - Емилија Спировска

Како лидер во дигитализацијата во македонскиот банкарски сектор, ПроКредит Банка преку серијата настани „Дигитална еволуција – Одговорност на бизнисите кон иднината“ ќе продолжи да гради мост помеѓу деловниот сектор, давателите на дигитални решенија и финансиските институции, промовирајќи практични решенија за потребите на компаниите кои се на патот кон успехот.

Работиме исклучиво преку дигитални канали

Posted on by piksel_marketing

Од каде потребата за банкарски решенија преку дигитални канали? Дигитализацијата во финансиската индустрија во изминатите години го трансформираше традиционалното банкарство и финансиските услуги. Целта на дигиталната трансформација е да се подобри клиентското искуство, продуктивноста, да се зголеми агилноста и да се унапреди културата на компаниите.

Дополнително, дигитализацијата отвара можности за банките да креираат поефикасни и персонализирани производи и услуги за клиентите. Оттука, дигиталната трансформација е култура на компанијата, начин на размислување на вработените и дефинирање на бизнис модел, исто колку и интеграција на новите технологии.

ПроКредит банка е првата банка во земјата која ја воведе дигитализацијата во банкарското работење. ПроКредит започна со процесот на имплементација на нови иновативни решенија уште во 2015 година, со пренасочување на готовинските услуги на банкомати, како и кон целосно пренасочување на клиентите кон користење на електронско банкарство.

24/7 зони

Со цел побрза трансформација кон дигитализација, банката ги отвори првите 24/7 зони во земјата, каде клиентите самостојно можат да ги извршуваат банкарските операции, како замена за класичните банкарски филијали. Со тоа, ПроКредит претстави нов модел на банкарско работење каде преку воведување на најмодерните банкарски услуги, на клиентите им овозможи флексибилност, безбедност, дискреција и достапност на банката во секое време.

24/7 зоните работат во секое време од денот и ноќта, вклучувајќи неработни денови, викенди и празници, а пристапот до нив е овозможен со валидна дебитна или кредитна картичка. Банкоматите во овие зони овозможуваат уплата и исплата на денари и евра, уплата на кованици, уплата на дневен промет на банкомат или во сеф за дневен промет, како и печатење изводи.

Дигитални канали за кредитни и административни барања

ПроКредит беше и првата банка која воведе платформа за дигитализација на кредитните и административните барања на клиентите. Па така, потпишувањето на барањата и договорите за кредити и гаранции, но и останати административни документи, клиентите на ПроКредит банка ги прават по електронски пат – брзо, едноставно и пред се сигурно.

Дигитални канали за платен промет

Транзицијата кон дигитални канали од 2018 година резултираше со тоа што 99% од целокупниот платен промет и кај физичките и кај правните лица се реализираше преку електронско банкарство. Оваа транзиција дополнително овозможи унапредување квалитетот на услугата и личниот пристапот на вработените на банката во доменот на финаниско советување на клиентите.

ПроКредит покрај воведување нови технолошки промени и иновации во своите процеси, истовремено наметнува забрзано темпо на дигитализација и кај компаниите кои работат со банката преку разбирање на потребите на бизнис моделот и едукација на клиентите.

За физичките лица, ПроКредит банка во 2021 година овозможи и користење на дигитален паричник во насока на доближување на клиентите до светските трендови каде мобилните телефони се користат и како платежни картички. 

Денес, ПроКредит сеуште е единствена банка на пазарот која работи исклучиво преку дигитални канали. Банката продолжува и понатаму да работи на понуда на нови дигитални решенија со унапредување на електронско и мобилно банкарство со нови функционалности надвор од стандардниот платен промет.

Со пенетрацијата на дигиталните решенија, банката континуирано инвестира во унапредувањето на сајбер безбедноста, при што користи решенијата и пракси согласно со Европската регулатива како дел од ПроКредит Групацијата со седиште во Германија. Со инвестирање во иновативни и квалитетни дигитални решенија, ПроКредит се стреми да остане лидер на пазарот во примена на најнови технологии.

Онбординг програма за младите генерации – интервју со Тијана Стојановска

Posted on by piksel_marketing

Тијана Стојановска, која денес во ПроКредит Банка е вработена во Одделот за човечки ресурси, го сподели нејзиното искуство со нашата Онбординг програма преку која таа започна да ја гради својата кариера.

Како одлучи да аплицираш во ПроКредит Банка?

Уште на самиот почеток бев информирана за целиот процес на Онбординг програмата како и дека дел од програмата се одржува во Белград. Тоа и беше нешто што најмногу ме привлече за да аплицирам, можноста за интернационално искуство, како и дека ќе работам во банка која не работи со клиенти кои ѝ штетат на природата и општеството.

Како се одвива оваа Онбординг програма?

Вкупното времетраење на обуката е 6 месеци, од кои 5 недели се одвиваат во Белград во Тренинг центарот на ПроКредит Банка, а останатиот период во Скопје, во Управната зграда на ПроКредит. Живееме во Белград 5 недели, работните денови од неделата се посветени на учење, викендите ни се слободни, a сместувањето и храната секако се обезбедени.

Овој престој е организиран на ниво на Групацијата, со тоа што на самата Онбординг програма учествуваат и учесници од други држави вработени во Групацијата на ПроКредит Банка како Србија, Босна и Херцеговина, Грција, Бугарија, Романија, Грузија и др.

онбординг програма

Што ти се допадна најмногу од целокупното искуство?

Во целост, многу ми се допадна што едно од моите најголеми очекувања веднаш започна да се остварува, а тоа е мојот професионален раст и личен развој. Важно е дека на оваа обука се поттикнува споделување идеи, предлози, и воедно со тоа ни е дадена и слобода понекогаш да згрешиме и да критикуваме. Така на пример, се роди и еден продукт кој потекна од една идеја на учесник на Онбординг програмата.

Многу се ценат предлози на нови колеги, и неретко се имплементираат нивни предлози како дел од работењето или услугите кои ги нуди банката. И би додала дека моментот на стекнување на нови пријателства со останатите учесници од сестринските банки, дава посебен шарм на тие 5 недели кои ќе ги живеете во Белград, што ќе ве направи уште позадоволни од целокупното искуство.

Кога вештина ја унапреди најмногу за време на оваа Онбординг програма?

Би ја истакнала подобрата организираност која ја поседувам сега, поточно подобриот тајм менаџмент. Научив да го организирам своето време многу поефикасно согласно зададените рокови и полесно да се прилагодувам кон истите. Би го споменала исто така и критичкото размислување кое нѐ учи како да селектирам информации и не секоја информација да ја земаме здраво за готово.