Од каде потребата за банкарски решенија преку дигитални канали? Дигитализацијата во финансиската индустрија во изминатите години го трансформираше традиционалното банкарство и финансиските услуги. Целта на дигиталната трансформација е да се подобри клиентското искуство, продуктивноста, да се зголеми агилноста и да се унапреди културата на компаниите.
Дополнително, дигитализацијата отвара можности за банките да креираат поефикасни и персонализирани производи и услуги за клиентите. Оттука, дигиталната трансформација е култура на компанијата, начин на размислување на вработените и дефинирање на бизнис модел, исто колку и интеграција на новите технологии.
ПроКредит банка е првата банка во земјата која ја воведе дигитализацијата во банкарското работење. ПроКредит започна со процесот на имплементација на нови иновативни решенија уште во 2015 година, со пренасочување на готовинските услуги на банкомати, како и кон целосно пренасочување на клиентите кон користење на електронско банкарство.
24/7 зони
Со цел побрза трансформација кон дигитализација, банката ги отвори првите 24/7 зони во земјата, каде клиентите самостојно можат да ги извршуваат банкарските операции, како замена за класичните банкарски филијали. Со тоа, ПроКредит претстави нов модел на банкарско работење каде преку воведување на најмодерните банкарски услуги, на клиентите им овозможи флексибилност, безбедност, дискреција и достапност на банката во секое време.
24/7 зоните работат во секое време од денот и ноќта, вклучувајќи неработни денови, викенди и празници, а пристапот до нив е овозможен со валидна дебитна или кредитна картичка. Банкоматите во овие зони овозможуваат уплата и исплата на денари и евра, уплата на кованици, уплата на дневен промет на банкомат или во сеф за дневен промет, како и печатење изводи.
Дигитални канали за кредитни и административни барања
ПроКредит беше и првата банка која воведе платформа за дигитализација на кредитните и административните барања на клиентите. Па така, потпишувањето на барањата и договорите за кредити и гаранции, но и останати административни документи, клиентите на ПроКредит банка ги прават по електронски пат – брзо, едноставно и пред се сигурно.
Дигитални канали за платен промет
Транзицијата кон дигитални канали од 2018 година резултираше со тоа што 99% од целокупниот платен промет и кај физичките и кај правните лица се реализираше преку електронско банкарство. Оваа транзиција дополнително овозможи унапредување квалитетот на услугата и личниот пристапот на вработените на банката во доменот на финаниско советување на клиентите.
ПроКредит покрај воведување нови технолошки промени и иновации во своите процеси, истовремено наметнува забрзано темпо на дигитализација и кај компаниите кои работат со банката преку разбирање на потребите на бизнис моделот и едукација на клиентите.
За физичките лица, ПроКредит банка во 2021 година овозможи и користење на дигитален паричник во насока на доближување на клиентите до светските трендови каде мобилните телефони се користат и како платежни картички.
Денес, ПроКредит сеуште е единствена банка на пазарот која работи исклучиво преку дигитални канали. Банката продолжува и понатаму да работи на понуда на нови дигитални решенија со унапредување на електронско и мобилно банкарство со нови функционалности надвор од стандардниот платен промет.
Со пенетрацијата на дигиталните решенија, банката континуирано инвестира во унапредувањето на сајбер безбедноста, при што користи решенијата и пракси согласно со Европската регулатива како дел од ПроКредит Групацијата со седиште во Германија. Со инвестирање во иновативни и квалитетни дигитални решенија, ПроКредит се стреми да остане лидер на пазарот во примена на најнови технологии.
Тијана Стојановска, која денес во ПроКредит Банка е вработена во Одделот за човечки ресурси, го сподели нејзиното искуство со нашата Онбординг програма преку која таа започна да ја гради својата кариера.
Како одлучи да аплицираш во ПроКредит Банка?
Уште на самиот почеток бев информирана за целиот процес на Онбординг програмата како и дека дел од програмата се одржува во Белград. Тоа и беше нешто што најмногу ме привлече за да аплицирам, можноста за интернационално искуство, како и дека ќе работам во банка која не работи со клиенти кои ѝ штетат на природата и општеството.
Како се одвива оваа Онбординг програма?
Вкупното времетраење на обуката е 6 месеци, од кои 5 недели се одвиваат во Белград во Тренинг центарот на ПроКредит Банка, а останатиот период во Скопје, во Управната зграда на ПроКредит. Живееме во Белград 5 недели, работните денови од неделата се посветени на учење, викендите ни се слободни, a сместувањето и храната секако се обезбедени.
Овој престој е организиран на ниво на Групацијата, со тоа што на самата Онбординг програма учествуваат и учесници од други држави вработени во Групацијата на ПроКредит Банка како Србија, Босна и Херцеговина, Грција, Бугарија, Романија, Грузија и др.
Што ти се допадна најмногу од целокупното искуство?
Во целост, многу ми се допадна што едно од моите најголеми очекувања веднаш започна да се остварува, а тоа е мојот професионален раст и личен развој. Важно е дека на оваа обука се поттикнува споделување идеи, предлози, и воедно со тоа ни е дадена и слобода понекогаш да згрешиме и да критикуваме. Така на пример, се роди и еден продукт кој потекна од една идеја на учесник на Онбординг програмата.
Многу се ценат предлози на нови колеги, и неретко се имплементираат нивни предлози како дел од работењето или услугите кои ги нуди банката. И би додала дека моментот на стекнување на нови пријателства со останатите учесници од сестринските банки, дава посебен шарм на тие 5 недели кои ќе ги живеете во Белград, што ќе ве направи уште позадоволни од целокупното искуство.
Кога вештина ја унапреди најмногу за време на оваа Онбординг програма?
Би ја истакнала подобрата организираност која ја поседувам сега, поточно подобриот тајм менаџмент. Научив да го организирам своето време многу поефикасно согласно зададените рокови и полесно да се прилагодувам кон истите. Би го споменала исто така и критичкото размислување кое нѐ учи како да селектирам информации и не секоја информација да ја земаме здраво за готово.
Искуството кое банките го имаат со малите и средните претпријатија е додадена вредност со која тие можат значително да придонесуваат за економскиот развој и иновациите во општеството. Ова искуство е особено драгоцено за младите стартап бизнисите. Тие ги прават своите први чекори во светот на бизнисот создавајќи иновативни производи и услуги кои го туркаат општеството напред.
Иако на почетокот, како нови играчи на пазарот, стартапите редовно се соочуваат со низа предизвици, сепак нивниот висок потенцијал за раст многу добро го препознаваме во ПроКредит Банка. Веќе 20 години посветено работиме на развој на локалната бизнис заедница и преку своите професионални услуги постојано привлекуваме прогресивни компании.
Во ова интервју нашата колешка Ана Николова, директор на филијалата за мали претпријатија зборува за тоа како во ПроКредит Банка одиме чекор понапред и нудиме поддршка на овие млади и смели претприемачи.
Како ја согледавте потребата за поинтензивна соработка со стартап бизнисите?
Веќе 20 години главна мисија на ПроКредит банка е поддршка на бизнис заедницата со фокус на малите и средни претпријатија. Тоа искуство од долги години во кои внимателно ги слушавме нашите клиенти нé научи како успешно да ги препознаваме потребите на младите компании, да можеме да одговориме со соодветни услуги и поддршка, како во делот на кредитирањето, така и во делот на платниот промет, но исто така и советодавно и едукативно во насока на развој на успешен и одржлив бизнис модел.
Препознавајќи ги тековните трендови и модерните форми на претприемништво кои носат големи можности за нашето општество, го шириме портфолиото на услуги со стратешки пристап и кон стартапите.
Стартап компаниите се од суштинско значење за економијата и во нив ја гледаме иднината. Овие млади, храбри компании со уникатни идеи за развој на производи ги решаваат проблемите што ниту еден друг сектор не ги решава, со иновативно размислување го туркаат општеството напред додека создаваат работни места, ја стимулираат економијата и привлекуваат странски инвестиции. Во нашата земја гледаме голем потенцијал со млади квалитетни кадри кои имаат добри и храбри идеи да развиваат бизниси.
Како банка која во центарот на своето делување го става позитивното влијание во општеството во кое работиме ја препознавме потребата да дадеме и наш личен придонес кон оваа заедница, која кај нас сé уште е во развој.
Целта е да се едуцираат младите ентузијасти како да започнат и управуваат со својот бизнис, особено во областа на финансиите и одржливото работење кои се од клучно значење за долгорочен успех. Тоа сакаме да го направиме преку споделување на нашето знаење, олеснет пристап до финансиски услуги и понатаму, со мрежата која ја поседуваме да им овозможиме на стартапите вмрежување од аспект на нашето регионално присуство со сестринските банки во регионот.
Што нудите во вашиот специјален пакет за стартап бизнисите?
Пакетот за стартап бизниси опфаќа комплетно бесплатно работење со банката во делот на домашниот платен промет, бесплатно одржување на сметка и бесплатни трансакции, како и конкурентни цени за меѓународниот платен промет. Сите компании кои нудат иновативни решенија на пазарот и имаат потенцијал за понатамошен развој може да го користат стартап пакетот во првите 2 години од нивното основање.
Што е особено важно и ценето од новоформираните компании и претприемачите кои за прв пат започнуваат бизнис, во рамките на овој пакет секој стартап добива и одговорен советник за бизнис клиенти кој овозможува лесен пристап и комуникација на клиентите со банката. Практично, на овој начин стартапите како да добиваат уште еден човек во тимот кој ќе се грижи работењето со банката да биде лесно и ефикасно.
За која индустрија се најсоодветни овие банкарски услуги?
Следејќи ги локалните трендови во домашната економија, податоците за новоформираните компании велат дека 30% од стартап бизнисите се домашни компании од ИТ индустријата и услужни дејности, па затоа нашиот најголем фокус е свртен кон нив. Самиот факт што банката е високо-дигитализирана, од друга страна нуди дополнителна вредност за прогресивните ИТ претприемачи кои бараат партнер кој го разбира нивниот јазик и нуди комплетна, брза, сигурна и квалитетна услуга.
Имајќи го предвид фактот дека најголем дел од овие компании се извозно ориентирани, за стартапите од голема корист е и нашата уникатна можност за автоматизирна распределба на приливите од странство, што го прави процесот на соработка со банката уште поефикасен.
Освен со Стартап пакетот, дали нудите дополнителна поддршка за стартап заедницата?
Оваа заедница во нашата земја значително се развива во изминатите години, но сепак доколку споредиме со тоа што се случува во соседна Србија и ЕУ земјите од регионот, има уште многу работи кои може да се подобрат.
Едукација, менторство, вмрежување
Ние како чинител кој може значајно да придонесе во подобрување на работењето на стартапите, ја проширивме нашата поддршка и во поголеми размери на општествената одговорност. Поддршката на стартап заедницата не мора да се прави само преку директно финансирање, туку исто толку значајно е и едукација, менторство, споделување на нашето знаење, вмрежување на компаниите и отворање на нови пазари и можности што ќе овозможи зголемување на стапката на стартапи кои ќе преживеат и понатаму ќе се развиваат.
Hive Room
Разбирајќи ги потребите на модерните професионалци, и препознавајќи ги стартапите и фриленсерите како двигатели на модерното време, ја започнавме и приказната со Hive Room што претставува коворкинг простор чија цел е обезбедување место за размена на идеи и знаења и креирање на силна заедница која ќе донесе позитивни промени и ќе поттикне развој на нашето општество.
Hive Room е достапен бесплатно за сите стартапи и фриленсери во нашата земја кои имаат потреба од простор за работа, а во иднина очекуваме да го прошириме на повеќе локации со цел да поддржиме уште поголем дел од заедницата.
Хакатон
Минатиот месец ја дадовме и нашата целосна поддршка на хакатонот за одржливи бизнис идеи – Стартап викенд Скопје, кој на наше големо задоволство се одржа токму во Управната зграда на ПроКредит банка со што сакавме и симболично да им ги отвориме вратите на овие млади ентузијасти и да споделиме дел од нашето знаење преку менторски сесии.
Победниците на овој хакатон ќе имаат ексклузивна можност да добијат менторска програма за изработка на бизнис план водена од искусни професионалци од ПроКредит банка, што е прв чекор во градењето на успешен бизнис.
Решенија за одржливост на стартап бизнисите
Би рекла дека ова е само почеток и дека оваа приказна уште повеќе ќе се развива понатаму. Особено важен ни е фидбекот од претприемачите и стартап компаниите за да можеме понатаму да ги развиваме услугите кои можеме да ги понудиме кон нив, а со тоа и да го поддржиме нивниот развој и одржливост на долг рок.
Од нив и ние учиме за потребите и за пазарот кој многу брзо се менува, ги следиме регионалните и светските пазарни трендови во нивната индустрија и севкупното знаење го посветуваме на градење на успешни приказни. За нас односот со клиентите е секогаш двонасочна комуникација.
Дали оваа иницијатива ја гледате како стратегија на долг рок?
Секако, веќе имаме и визија како нашиот придонес кон оваа заедница да го продолжиме и во насоки на редовни едукации, комуникации со експерти, работилници и останати активности кои цениме дека се нужни за поддршка и раст на оваа заедница.
Нашето досегашно искуство со стартапите секако дека ќе продолжи да се збогатува, а со тоа ќе се развиваат и нашите услуги. Спремни сме да ги следиме и поддржуваме стартапите во сите фази, од идеја, преку валидација и скалирање, до нивната зрелост.
ПроКредит е банка која сака предизвици, која се стреми кон одржливост на долг рок и која цврсто се држи до својот постулат на одговорност. Можеби го избираме потешкиот пат, но сепак, со соодветна анализа и со осознавање на нашите клиенти слушајќи ги нивните потреби, креираме вистински решенија за предизвиците со кои тие се соочуваат, инвестираме во нивниот развој, а со тоа придонесуваме и за раст на локалната економија.
Неодамна одбележавме јубилеј – 20 години пример за одговорност на ПроКредит Банка, и сигурно дека продолжуваме во тој правец со целосна посветеност кон нашите клиенти и нивниот пат на градење на успешен бизнис.
Летниот одмор е време за забава, авантури, патувања и создавање нови спомени. Но, тоа не значи дека треба да го преоптоварите домашниот буџет. Еве пет корисни совети како можете да заштедите пари, а сепак да си овозможите забавен и опуштен летен одмор со паметна заштеда на средствата:
1. Планирајте го буџетот
Кога го организирате летниот одмор, една од првите работи што треба да ги направите е да го одредите буџетот. Тоа ќе ви помогне во планирање на трошоците, без разлика дали патувате сами или со семејството. Ако одите на семеен одмор со поголеми деца, вклучете ги во планирањето на буџетот, одредувајќи им дневен лимит на финансии за трошење. Ова не само што ќе ви помогне да ги контролирате трошоците, туку и да ги научите вашите деца за вредноста на парите.
2. Ре-употребувајте ги старите предмети
Пред да тргнете на вашиот летен одмор, одвојте малку време да ги разгледате вашите работи и да видите што можете повторно да користите. Можеби имате некои крпи за плажа, чадори или пикник-столчиња од претходните одмори кои сè уште се во добра состојба. Повторната употреба на овие предмети може да ви заштеди значителна сума пари.
Дополнителен начин за паметна заштеда е да позајмите реквизити од пријателите или семејството ако ви треба нешто специфично за вашето патување. Со повторна употреба и позајмување, не само што ќе заштедите пари, туку и ќе придонесете за намалување на отпадот и промовирање одржливи практики.
3. Патувајте со еколошки транспорт за поголема заштеда
Кога станува збор за патување до вашата летна дестинација, размислете за изборот на еколошки начини на транспорт. Ако е можно, одлучете се за групен превоз со автобус или делење превоз со автомобил со блиски пријатели или семејство. Тоа може да биде поисплатлива опција во споредба со изнајмување автомобил или возење сопствено возило.
Дополнително, размислете за патување со електрично или хибридно возило, користење велосипеди, па дури и пешачење на пократки релации. Не само што ќе заштедите пари за гориво или трошоци за изнајмување, туку и ќе ги намалите емисиите на јаглерод диоксид и ќе придонесете за почиста животна средина. Истражувањето на вашето место за одмор со велосипед или пеш може исто така да биде пријатно искуство на вашето патување, што ќе ви овозможи поинтимно поврзување со околината.
4. Одмор со пријателите и семејството
Некои од најубавите спомени се создаваат кога поминуваме време со блиските. Наместо да трошите пари на хотелска соба, размислете да изнајмите куќа со своите роднини или пријатели, и да ги поделите трошоците.
Дополнително, со опремена кујна на располагање, нема да треба да одите во ресторани за секој оброк, со што ќе заштедите пари и време на одморот. Секако, поминатото време во заеднички изнајмена куќа со вашите роднини или пријатели, ќе ви обезбеди создавање на незаборавни спомени и неповторлива летна авантура.
5. Флексибилна заштеда за безгрижно патување
Паметното штедење во текот на целата година е клучно за реализација на вашите одмори од соништата. Додека го планирате вашиот буџет за летниот одмор, размислете за практичноста и придобивките од штедењето. Флекси Штедна Сметка е корисен производ кој поттикнува редовна култура на штедење.
Најдобриот дел е целосната флексибилност што ја нуди – можете лесно да ги надополнувате и повлекувате заштедите директно преку мобилна апликација 24/7, без минимално ограничување за плаќање, што го прави достапно за сите да почнат да штедат, без разлика колку е голема или мала сумата.
Затоа, додека уживате во вашиот летен одмор и ги следите претходните совети за заштеда на пари, не заборавајте да ја користите Флекси Штедна Сметка. Обезбедете ја вашата финансиска иднина со леснотија и спокојство.
Започнете да штедите паметно и имајте незаборавен летен одмор без стрес!
Што е она кое прво ви паѓа на памет кога ќе се спомене поимот штедење? Се разбира – штедна сметка и пари „настрана“. Иако конвенционалната идеја за заштеда на пари е темелот на културата на штедење која се вкоренува од мали нозе и несомнено е главниот постулат на креирање стабилен и долготраен домашен буџет, сепак културата на штедење е многу поширока од основниот принцип. Затоа одлучивме да ги побиеме најчестите митови за штедење и да ви дадеме правилни насоки за размислување.
Штедење не значи само да имате повеќе пари на вашата банкарска сметка
Се работи за градење култура на живеење и секојдневни навики за штедење преку ре-употреба и непотпаѓање под импулсивен консумеризам. Ова подразбира заштеда на електрична енергија, ре-употреба на облека, заштеда на време преку користење на дигитални алатки, заштеда на храна преку домашно подготвување, па дури и домашно одгледување на намирници, заштедата на ресурси и воедно инвестирањето во здрав живот преку активно користење на велосипед. Така, преземаме конкретни чекори со кои не само што заштедуваме пари и ресурси, туку и активно се грижиме за природата и ја чуваме животната средина.
Штедењето не е еднократна активност
Додека светот се бори со влијанието на климатските промени, многумина од нас почнуваат да ја согледуваат важноста на штедењето како начин на живот. Токму ова е една од темите за кои зборувавме во својата јубилејна кампања за 20 години постоење на македонскиот пазар, отворајќи ги хоризонтите на полето на штедење и продолжувајќи ја својата мисија за градење култура и надвор од конвенционалната заштеда на пари.
Повторната употреба или ре-употребата е важен дел од штедењето како начин на живот. Станува збор за извлекување максимум од она што веќе го имате, наместо да купувате нови предмети. Тоа ви помага да заштедите пари и да го намалите отпадот.
Штедењето на време и енергија се еднакво важни
Многу се важни и заштедата на време, енергија и вложување во квалитетен начин на живот. На пример, можете да заштедите време со користење на дигитално банкарство без разлика каде се наоѓате. Можете да заштедите енергија со инвестирање во енергетско ефикасни производи или обновливи извори на енергија во вашиот дом. Што се однесува до секојдневниот живот не заборавајте на правилото помудро и одговорно може да биде подобро.
Штедењето е поврзано со нашите секојдневни навики
Кое превозно средство го користите најчесто? Доколку автомобил е вашиот одговор, ве предизвикуваме да направите промена. Со доаѓањето на пролетта доаѓаат и нови навики, па користењето велосипед е вистинскиот избор. Не само што ќе ви заштеди пари за гориво и одржување, туку е и одлична вежба и многу поодржлив и несомнено побрз начин да стигнете до посакуваната дестинација.
Како да ги надминете најчестите митови за штедење
Најочигледниот начин да заштедите повеќе е, се разбира, да заштедите пари. Започнете со добро планирање на вашите финансии и анализа колку реално можете да заштедите секој месец. Креирајте буџет и држете се до него. Буџетот треба да ги вклучува сите ваши приходи и трошоци, вклучувајќи работи како тековни трошоци, комунални услуги, храна и забава. Откако ќе креирате буџет, треба да ги следите сите ваши трошења за да бидете сигурни дека се држите до него. Ова ќе ви помогне да ги идентификувате областите каде што можете да намалите и да заштедите повеќе пари.
Постојат различни видови на штедење, од флексибилно штедење, до орочување на вашите средства на подолг рок, па дури и детско штедење преку кое ќе ги научите најмалите на важноста од културата на штедење. Познавањето на различните видови штедни продукти може да ви помогне да го изберете она кое е најдобро за вашите можности и планови, а доколку се двоумите кој e најдобриот избор за вас, тука е секогаш личниот банкарски советник на ПроКредит кој ќе ви ја даде вистинската насока.
Штедењето како начин на живот се состои во правење мали промени кои имаат големо влијание. Па, зошто да не започнете да штедите денес?
Зошто ви е потребно да отворите банкарска сметка онлајн? Во денешниот брз дигитален свет, бизнисите од сите големини сѐ повеќе се свртуваат кон решенија за онлајн банкарство за да ги оптимизираат своите финансиски операции. Додека традиционалните банкарски методи стануваат помалку ефикасни во исполнувањето на барањата на модерната трговија, онлајн банкарството нуди неспоредлива удобност, безбедност и контрола. Но, зошто токму на бизнисите им се потребни овие дигитални решенија?
Дигиталните решенија нудат погодност и пристапност за управување со финансиите во секое време, насекаде, без потреба од посета на физичка филијала. На овој начин се заштедува време, средства, а и трошење на ресурси со што се обезбедува позитивно влијание врз животната средина. Дополнителни големи предности на користењето дигитални банкарски решенија се можноста за следење на трансакциите во реално време со моментален пристап до салдо и историја на трансакции, како и пристапот до посветени услуги за поддршка и ресурси прилагодени за деловните потреби.
Изберете дигитално напредна банка
Токму затоа, при избор на финансиски партнер со кој ќе започнете соработка, клучен фактор треба да бидат дигиталните можности и решенија кои ги нуди банката, со цел брзо завршување на сите банкарски операции 24/7, без разлика каде се наоѓате. Банката на која ќе ѝ ја дадете својата доверба, треба да биде ваш партнер на кој можете да се потпрете.
Во ПроКредит Банка, разбираме дека вашето време е најскапиот ресурс. Затоа нудиме онлајн платформа за отворање на сметки – без разлика каде се наоѓате и во секое време. Нашата онлајн платформа е лесна за употреба, но уште поважно нуди највисок степен на безбедност. Тоа значи дека можете да бидете сигурни дека вашите лични и финансиски податоци секогаш ќе бидат безбедни.
На овој начин ќе го заштедите вашето ограничено време и ќе го инвестирате на суштински важни работи за вашиот бизнис, како развивање на нови идеи, иновации и практики кои ќе придонесат кон позитивно влијание во општеството.
Доколку сè уште не сте започнале соработка со нашата дигитална Банка, одличен почеток е токму онлајн отворањето на сметка.
Кој е процесот за отворање сметка онлајн?
Со внесување на само неколку основни податоци и документи, можете да отворите платежна сметка. Со неа имате можност за едноставен и брз платен промет во земјата и странство и пристап до останатите услуги на Банката. Исто така, иамте можност да добиете поддршка од Личен банкарски советник кој ќе ви помогне во целосната работа на вашиот бизнис.
Што треба да направите? Посетете ја нашата web страна, одберете го делот – „Аплицирајте за сметка онлајн“, внесете го името на вашата компанија, годишниот обрт и контакт информација. Потоа, прикачете ги основните документи – Тековна состојба, Тековна состојба за вистински сопственик, Образец на заверени потписи и лична карта од законскиот застапник и сопственикот/сопствениците.
Со еден клик, вашата апликација за отворање на платежна сметка ќе биде регистрирана од наша страна, а ние веднаш ќе пристапиме кон процесот на отворање на вашата платежна сметка. Во рок од 24 до 48 часа ќе бидете контактирани да ја посетите најблиската филијала за идентификација и потпис. Дополнителна можност која ја нудиме во ПроКредит Банка е и достава на договорите до вашата службена адреса, што дополнително ќе ви заштеди време.
Со отворањето на платежна сметка во ПроКредит Банка, веднаш добивате пристап до нашата широка понуда на производи и услуги. Нудиме конкурентни фиксни провизии за платен промет во земјата и странство, единствена можност да штедите флексибилно со фер каматни стапки и неограничена достапност на вашите средства, како и широка палета на кредитни производи за поддршка на вашиот бизнис. До сите овие услуги можете да пристапите електронски, преку нашето електронско банкарство и порталот за електронско потпишување на документи.
Кој сѐ може да користи онлајн банкарски услуги?
Оваа понуда, без разлика дали сте стартап, мало, средно или големо претпријатие, ви овозможува брз и едноставен пристап до вашите финансии во секое време. ПроКредит Банка на располагање ви нуди 24/7 зони каде може да се изврши уплата на платен промет 24 часа – за време на државни празници, викенди и останати неработни денови.
Секој клиент на ПроКредит Банка може да ги користи услугите во зоните 24/7 и тоа: уплата и исплата на денари и евра, уплата на кованици, уплата на дневен промет на банкомат или во сеф за дневен промет, печатење изводи и слично. Влезот во зоните по работното време на експозитурите е со валидна дебитна или кредитна картичка.
За сите прашања и совети поврзани со нашите услуги на располагање ви стои нашиот Контакт Центар или вашиот Личен банкарски советник.
Во нашата заложба за поттикнување средина каде што буквално секој може да се истакне, со гордост можеме да кажеме дека ПроКредит Банка е изградена врз основа на родова еднаквост и инклузија каде што сите добиваат еднаква шанса.
На што се темели вашето одговорно работење денес, во согласност со ЕСГ принципите?
Во ПроКредит Банка пристапот кон корпоративна одговорност е фундаментално втемелен во нашето секојдневие. Исто така, има многу посуштинско значење од класичната дефиниција за општествена одговорност. ПроКредит банка беше основана пред 20 години со јасна визија да направи позитивно влијание на македонското општество. Оттаму, одговорноста ја гледаме низ призма на оставање позитивен печат преку нашите постапки и акции, и таа има мултидимензионален карактер.
Одговорноста, пред сѐ ја гледаме кон своите клиенти. Сакаме да ги слушнеме и разбереме нивните потреби, а со тоа и да обезбедиме квалитетни, транспарентни и ефикасни услуги. Истовремено, наша важна улога е да ги советуваме клиентите во носење на најдобри финансиски одлуки согласно нивните лични потреби и можности, кои ќе овозможат одржливост и долгорочни бенефити за поединците, бизнисите и целокупната економија.
Одговорноста за нас е и промоција на позитивни практики. Ова се однесува на инвестиции во енергетска ефикасност и одржливи решенија, промоција на штедење наспроти консумеризам, поттикнување дигитализација за одржлив развој на бизнисите и целокупното општество.
Од друга страна, одговорноста ја покажуваме и преку фактот што принципиелно не соработуваме и не поддржуваме бизниси и поединци кои имаат негативно влијание врз природата и општеството во кое живееме. Примената на овие високи етички стандарди се всушност и основата на нашето работење. Тоа е печатот кој го оставаме врз општеството и економијата во изминатите дваесет години.
Одговорноста за нас значи и инвестирање во развој на млади кадри и давање шанса за кариерен развој кој не застанува само во првите години од вработувањето. Таа се однесува и на креирање долгорочни можности за надградување, личен развој, градење менаџерски кадри и лидери. Горди сме што во банката годинава голем број колеги го слават јубилејот 20 години заедно со јубилејот на банката, што е доказ за можностите кои ги нуди оваа институција.
Дали во ПроКредит постои дефинирана програма за стимулирање на родова еднаквост?
Родова еднаквост, инклузивност и еднакви можности за сите вработени се нормативи во институцијата кои се поставени уште од нејзиното основање и остануваат основни темели на нашата корпоративна култура до ден денес.
Ние веруваме во моќта на различноста, препознавајќи дека институцијата напредува кога ќе се здружат поединци со различни искуства и перспективи. Во нашата заложба за поттикнување средина каде што буквално секој може да се истакне, со гордост можеме да кажеме дека оваа институција е изградена врз основа на еднаквост каде што сите добиваат шанса.
Согласно тоа, во банката вреднувањето на вработените секогаш се базирало на нивните квалитети и заложби, без разлика на полот. Во моментот, 71% од вработените во ПроКредит банка се жени. Гледајќи го банкарскиот сектор во земјата, но и пошироко, ова можеби и не е изненадувачка бројка, имајќи предвид дека жените во просек имаат тенденција да избираат постабилна работна атмосфера.
Дали во рамки на заложбата за родова еднаквост имате застапеност на жените во топ менаџментот?
Тоа што е уникатно за ПроКредит банка, нешто на што сме особено горди е учеството на жени на раководителски позиции е 84%, што е далеку повисоко во однос на просекот во банкарскиот сектор. Овој факт сам по себе зборува дека на жените не им е дадена само шанса да се вработат, туку и можност за развој, кариера, напредување и вреднување на нивниот труд.
Она што е интересно е дека овие проценти не се постигнати заради строго дефинирана програма и исполнување на одредени квоти и цели на институцијата, напротив ваквата родова еднаквост и застапеност на жените е постигната по природен пат односно преку нивните лични заложби и успеси во рамки на институцијата.
Банката отсекогаш важела за фер работодавач, споделувајќи го транспарентно процесот на вработување, но и можноста за професионален напредок во рамки на институцијата. Вложувањето во професионален развој на нашите вработени е приоритет и сметаме дека нашата отворена комуникација и посветеност е препознаена и ценета од нашите вработени.
Како вие гледате на проблемот на женското лидерство во општеството и економијата?
Жените во Македонија поретко се одлучуваат да започнат сопствен бизнис споредено со мажите, а најголем процент на бизнисите кои се основани од жени, се микро бизниси со големина до десет вработени. Ова го потврдува и нашата анализа на базата на клиенти на ПроКредит банка, каде застапеноста на жените на функција на управители во приватниот сектор е само 19%. Тоа е доказ дека потенцијалот на жената како претприемач е недоволно препознаен и искористен во земјава.
Потенцијалот треба првенствено да го препознае жената, и тоа е личен избор, храброст и заложба да се успее во бизнис светот. Секако, претприемачката иницијатива со себе носи одредени жртви и одрекувања, па затоа овој пат не е ни малку лесен.
Второ, одлуката за претприемачките иницијативи е неопходно да биде во корелација со семејството и поддршката од најблиската околина. Поддршката од семејството често е критичен фактор за успешен кариерен развој на жените. Флексибилноста во семејството е важна за постигнување баланс меѓу професионалниот и личниот живот.
Трето, можностите кои ги нудат институциите и работодавачите, еднаквиот третман на вработените и позитивните практики на родова еднаквост, но и флексибилноста на институциите и почитувањето на природата на жените и нивната уникатна улога во природата, мајчинството. Ова е поврзано и со нашата култура како народ, од каде потекнува и корпоративната културата која ги отсликува самите институции.
Дали гледате реална можност за подобрување на условите за постигнување родова еднаквост?
Во последните години гледаме трендови кај новите генерации каде сѐ повеќе стереотипите се менуваат и традицијата полека го отстапува местото на современото живеење. Тоа доаѓа заедно со дигиталната еволуција каде и потребните квалификации на поголемиот број работни позиции се имаат променето. Физичката сила е сѐ помалку фактор, а сѐ повеќе се вреднуваат аналитичките, комуникациските вештини, техничките експертски познавања за одредена област. Тука жените имаат еднакви можности за добивање на тие квалификации.
Охрабрувањето на повеќе жени да заземат претприемачки и лидерски позиции не е само прашање на промовирање на родовата еднаквост. Промоцијата на женското претприемништво игра важна улога и во развојот на економијата во нашата држава. Истакнување на успешните жени претприемачи и лидери, односно видливоста на успешни жени на лидерски позиции може да ги инспирира и охрабри другите жени да следат слични патишта.
Која е компаративната предност на жените во лидерството?
Важно е да се нагласи дека ефективното лидерство е сложена и повеќеслојна особина, а индивидуалните карактеристики и вештини играат значајна улога без оглед на полот. Целта не е да се стереотипизираат или генерализираат. Целта е да се препознаат и да се ценат различните силни страни што поединците, и мажите и жените, ги носат во лидерските улоги. Токму комбинацијата на различни перспективи и вештини во лидерските тимови може да придонесе за подобри организациски перформанси.
Праксата и истражувањата покажуваат дека жените како раководители се повеќе склони кон градење тим, структура и долгорочна стабилност за компанијата. Истовремено, преземањето ризици е помалку привлечно за нив. Жената е таа којашто знае да го зачува тоа што го создава. Во нејзината природа е вродено за сѐ што се создава, да го чува, да го развива, негува и да го прави поуспешно. Ова се квалитети кои се потребни во македонското претприемништво.
Организацијата на личните финансии е своевидна умешност која може да ја совладате со промени во навиките и пристапот кон вашите средства, што на долг рок ќе ви донесе поголема сигурност и стабилност. Ова е особено важно во време на променлива економија на каква што сме сведоци денес, која може да предизвикува чувство на недостаток на финансии, но истовремено може да биде и поттик да изградиме навика за штедење и поздрав однос со нашите пари.
Финансиските советници често велат дека исто како кај личните односи, треба да одвоиме време и за нашиот однос со парите, како и за градење навика за штедење.
„Ако сакате да постигнете финансиска сигурност, внимавајте како се однесувате со вашите средства. Секое невнимателно или импулсивно однесување резултира со помала или поголема штета на буџетот за која подоцна ќе треба да најдете решение. Спротивно на тоа, кога пристапувате плански кон вашите финансии можете полесно да ги планирате и вашите активности, што ви дава мотив и сигурност за следни корисни чекори кон финансиска стабилност како што е создавањето на заштеда.“
Често се случува луѓето да се потпираат на кредити и задолжувања наместо да создаваат заштеда со која ќе можат да ги финансираат своите трошоци и желби. Ваквиот пристап кон парите само го продлабочува чувството на несигурност и недостаток на контрола над сопствените средства, а доаѓа како резултат на неколку (погрешни) уверувања.
Јас сум од оние луѓе кои едноставно не знаат и немаат навика за штедење.
За штедење е потребна желба и континуитет, а не знаење. Ваша задача е да изградите навика за штедење и дисциплина, а за останатите детали постојат стручни лица кои се достапни во секое време да ви ги објаснат. Целта на штедењето не е да си скратите од уживањето, туку напротив, да живеете попаметно и побезгрижно.
Не заработувам доволно за да можам да штедам.
Не ви е потребен голем износ на средства за да можете да почнете да штедите. И најмалата сума, ако редовно ја издвојувате ќе порасне во поголема заштеда која токму во услови на мала заработувачка ќе ви значи повеќе.
Не можам да штедам додека исплаќам долгови.
Со свесно планирање на средствата можете да ги исплаќате долговите и да започнете со мали заштеди кои ќе ви помогнат да се чувствувате финансиски посигурни.
Не можам секој месец да одвојувам средства за заштеда.
Денес постојат флексибилни можности за штедење, нема потреба да се обврзувате на конкретен месечен износ кој ќе го уплаќате континуирано. Важно е да создадете навика, а потоа, колку ќе заштедите целосно зависи од тоа како поминува вашиот месец.
Како промотер и поттикнувач на штедењето, таква можност кај нас обезбеди ПроКредит Банка со услугата Флекси штедна сметкакоја овозможува флексибилно штедење со најповолна каматна стапка по видување, како и дополнување и користење на средствата во секое време, без никакви ограничувања.
Никогаш не е премногу рано, ниту премногу доцна за да штедите, сѐ што ви треба за да обезбедите поголема финансиска сигурност е волја да започнете.
