piksel_marketing, Author at ProCredit Blog - Page 5 of 7

Author: piksel_marketing

Најдобар финансиски партнер за локалните (кул) бизниси

Posted on by piksel_marketing

Во потрага по автентични и оригинални искуства, модерните луѓе сѐ почесто се вртат кон малите бизниси чиј раст и успех не зависат само од нивната визија и посветеност, туку и од поддршката на стратешки финансиски партнер. Таков успешен локален бизнис е и “Sheezick Na Reezick”.

Во денешниот бизнис свет, малите и оригинални локални брендови играат клучна улога во поттикнувањето на иновациите и негувањето на уникатни изрази на креативност. Овие бизниси ја отелотворуваат суштината на модерноста, динамично обликувајќи ги индустриите, притоа заменувајќи ги традиционалните корпоративни норми со нови правила. 

Љубовта кон Скопје, преточена во уникатен моден дизајн

Позитивен пример за успешен мал локален бизнис е домашниот бренд Шизик на ризик кој постои 5 години и нуди дизајнерски производи од домашно производство. Брендот е создаден од креативниот двоец – Сташа Шаровиќ и Божо Павковиќ, кои својата љубов кон Скопје ја преточија во уникатен и препознатлив дизајн.

„Бизнисот е локален и фамилијарен, и е всушност креативно продолжение на Зип Зап – дизајн и брендинг агенција која постои од 1998г. После голем број креирани визуелни комуникации за домашни и странски клиенти, решивме да се вратиме онаму каде што започна Зип Зап, на дизајните инспирирани од Скопје, своевремено издадени во форма на разгледници. Од таму почнавме да градиме нов бренд,“ – вели Божо Павковиќ, за почетоците на овој streetwear бренд, и додава:

„Започнавме со многу верба, со уште повеќе работа и со сопствени средства. Стратегијата која ја зацртавме од самиот старт беше оригинален и квалитетен домашен производ – homegrown, homemade. Оригиналноста беше во наши раце, но брзо сфативме дека продукцијата на целосен текстилен производ во Македонија е посебен предизвик, и процес кој континуирано го унапредуваме.“

Навремено препознавање на потенцијалот на квалитетните бизнис идеи

Во градењето на еден бренд, неопходна е поддршката на доверлив и посветен финансиски партнер, со чија помош навремено се инвестира во визијата, а со тоа се придонесува и во поддршка на домашната економија, зајакнување на малите бизниси, како и зачувување на културата и идентитетот на локалните креативци.

Изборот на партнерска банка повеќе не е само финансиска одлука, туку клучен фактор за успех, затоа што вистинската банка може значајно да придонесе кон трасирање на патот на брендот. Умешноста на банката се состои во тоа да го препознае потенцијалот на новите бизнис идеи и навремено да ги поддржи, поттикнувајќи го нивниот раст и развој.

Финансиски партнер кој помага во раст на бизнисот

Банка која верува во нови и свежи идеи носи повеќе од само финансиски капитал – таа банка станува сојузник во трансформацијата и растот на малите бизниси. Финансиски партнер кој ги слуша и разбира потребите на овие компании, може да обезбеди вредни совети, приспособени решенија и иновативни финансиски инструменти кои се грижат за уникатните потреби на модерните, динамични и оригинални локални брендови.

Урбаниот моден бренд Шизик на ризик, наменет за современи луѓе, се појави како олицетворение на Скопје, обединувајќи ги автентичните локални приказни, урбаните митови, сленгoт и начинот на живот карактеристични за овој град, за набрзо да прерасне во омилен македонски дизајнерски бренд кој со гордост се носи во земјата и низ светот. Токму тоа го разликува овој бренд од останатите. Сепак, визијата и идејата не се секогаш доволни за успех на еден бренд. Искуството и способноста на банката да ги препознае и поддржи креативните бизнис идеи се клучни за раст и развој на еден локален бизнис.

„Започнавме со увезени полуготови производи, одвај најдовме домашна конфекција која се нафати да шие за нас, но релативно брзо станавме и поголеми и покомплицирани, па моравме да размислиме за отварање на сопствен погон, ” – истакнува Сташа Шаровиќ.

„Тука улета нашиот долгорочен соработник ПроКредит Банка, која ни ја даде потребната поддршка со кредити клучни за создавањето на Шизотекс – мало трикотажно производство, со кое ги затворивме прашањата на развој на производи, залихи и квалитет. Денес повторно, благодарејќи на соработката и взаемната доверба која ја имаме со ПроКредит Банка, после 5 години од скопскиот дуќан, отвараме нов продажен објект во Охрид. Она што Прокредит банка ја прави наш прв избор кога сакаме да инвестираме е тоа што се брзи и модерни на секое ниво. No Procredit, no Sheezick :), ” заклучуваат шизиците Сташа и Божо.

Одговорно банкарство за економски развој

Posted on by piksel_marketing

Одговорно банкарство е концепт кој се повеќе се актуелизира во модерната економија. Иако значењето може да биде широко и интерпретирано на различни начини, во суштина станува збор за термин кој се користи за опишување на банкарски практики кои се дизајнирани да промовираат економски развој и одржливост. Тоа е концепт кој сака да ги балансира интересите на банките, клиентите (граѓаните и бизнис секторот) и пошироката заедница, со цел да се создаде поздрава економска средина.

Што е одговорно банкарство?

Одговорно банкарство е начин да се осигура дека банките дејствуваат во најдобар интерес на нивните клиенти и на општеството и дека преземаат чекори за да помогнат во создавањето поздрава економска клима. Ова вклучува обезбедување финансиски услуги и производи кои се прилагодени на потребите на заедницата, промовирање на финансиската писменост и поттикнување одговорни деловни практики.

Она што е особено важно за една банка да се карактеризира како одговорна е постојано следење на потребите на клиентите, а истото подразбира и унапредување на работењето на компанијата преку дигитализација, оптимизација на процеси, зголемување на конкурентност и постојано воведување на иновации.

Одговорното банкарство исто така вклучува обезбедување финансиски производи и услуги кои се достапни за поттикнување и развој на малите и средни бизниси , зголемување на нивната конкурентност, но и потенцијалот за извоз.   

Неизоставен дел од одговорно банкарство, секако е промоцијата на еко – инвестиции кои се во насока на поттикнување на економскиот развој, но и долгорочна одржливост. Еко – инвестициите се од особена важност, бидејќи не само што придонесува кон подобрување на квалитетот на животот преку еколошките бенефити, туку истовремено долгорочно придонесуваат за зголемена конкурентност на компаниите и финансиска ефикасност на домаќинствата. На пример, енергетска ефикасност која допринесува до пониски сметки за струја или инвестирање во фотоволтаични панели кои произведуваат чиста енергија, а со тоа се намалува потребата од производство на струја од конвенционалните извори (нафта, јаглен, фосилни горива).

Зошто културата на штедење е важна за економскиот раст?

Одговорните банки промовираат штедење, пред неконтролиран консумеризам или неразумно трошење на средствата. Каде се гледа најголемиот проблем? Масовната дистрибуција на ненаменски кредити, се главниот поттикнувач кон неконтролирано трошење. Во прв момент и на краток рок, истите изгледаат примамливо, но на крајот ги оштетуваат домаќинствата, правејќи еден маѓепсан круг на постојано влегување во долгови. Резултатот е повеќе од очигледен – сиромашните стануваат уште посиромашни, а овој негативен тренд несомнено се отсликува низ целокупната економија.

Може ли одговорната банка да го прекине овој синџир? Преку континуирана едукација и понуда на флексибилни продукти, кои се достапни за широката јавност, може да се поттикне култура на штедење, а со тоа да се подобри целокупната благосостојба на граѓаните, кои наместо да се задоволуваат со т.н краткорочни и минливи „задоволства“ ќе научат правилно да менаџираат со своите финансии и да постигнат долгорочна финансиска стабилност. На макро ниво, овој позитивен тренд може да влијае на градење постабилна економија и зголемено ниво на инвестиции.

Брз профит или долгорочен економски раст?

Одговорното банкарство налага банките да имаат долгорочна визија и да размислуваат надвор од трката за краткорочен профит. Ова значи дека банката мора да го земе предвид потенцијалното влијание што нејзините активности ќе го имаат врз заедницата. На пример, банките мора да ги земат предвид социјалните, еколошките и економските импликации на нивните одлуки, како на пример дали проектот ќе создаде работни места или ќе ја зголеми локалната даночна основа. Дали клиентот долгорочно може да го подобри квалитетот на животот благодарение на банкарскиот производ за кој е заинтересиран.  Дополнително, банките треба да се погрижат да не се впуштаат во какви било неетички практики.

На ова се надоврзува и моментот на транспарентност на банките за своите постапки. Што подразбира транспарентноста? Тоа значи дека банката мора да се погрижи клиентите да ги разберат ризиците поврзани со производите и услугите што ги нудат, како и тековно да бидат информирани за било промени во нивните сметки или услуги.

Стабилен банкарски партнер е клучен за успешен бизнис

Posted on by piksel_marketing

Стремежот за успех во бизнисот е заедничка цел што ги поврзува визионерските компании и финансиските институции. Тајната на успешното партнерство во корпоративниот свет е токму квалитетот како заедничка вредност на двете страни, како и изборот на банкарски партнер.

За извозните компании, квалитетот и довербата се едни од најважните елементи на нивната стратегија за пробив на меѓународните пазари. Одржувањето постојано висок квалитет на производи и услуги и градењето силна репутација кај купувачите е клучна предност што можат да ја имаат на конкурентниот глобален пазар. Конзистентниот квалитет овозможува градење доверба, ублажување на ризиците, поттикнува долгорочни односи и обезбедуваат подобра преговарачка позиција.

Банките кои имаат долгогодишно искуство и експертиза во соработка со бизнисите, го препознаваат квалитетот како предуслов, од една страна за градење долгорочно партнерство, а од друга страна за градење одржлив и успешен бизнис. Компаниите пак се свесни дека со одговорен и доверлив банкарски партнер полесно се надминуваат предизвиците.

Oдговорните банки, покрај тоа што играат клучна улога во зајакнувањето на локалните бизниси на домашниот пазар, помагаат и во пробивањето на нивните производи на глобалната сцена. Преку понуда на широка палета на инструменти, банките ги поддржуваат извозните компании со тоа што им овозможуваат сигурен настап на новите пазари обезбедувајќи финансиска помош за реализација на нивните извозни планови, како и стручни насоки и консултации за ефикасно планирање на ликвидноста и управувањето со финансиите, вклучувајќи ја тука и висококвалитетната соработка и обезбедени плаќања со странските партнери итн.

Препознавање на квалитетот и заедничката визија

Нашата држава надалеку е позната по квалитетното вино на ГД Тиквеш АД, кои се препознатливи амбасадори не само на регионалната, туку и на светската сцена. Брендот, основан во 1999 година, денес опстојува на пазарот како најголем производител на грозје во земјата, а од пред 10 години е сопственик и на Винарската визба „Милев“ со капацитет од 11 милиони литри вино.

Токму нивната успешна приказна е пример за колективната визија, поддршка и квалитет, како резултат на успешното партнерство со ПроКредит банка, кое трае веќе 20 години.

„Низ годините ГД Тиквеш бележи значајни трансформации во однос на технологијата, модернизирање на процесот на производство, нова механизација и тоа за една единствена цел, со која и се препознаваме на пазарот – КВАЛИТЕТОТ. За раст и развој на компанијата голема заслуга има нашата соработка со ПроКредит Банка. Како банка ориентирана да го поддржи земјоделското стопанство, ние препознавме нешто блиско до нас.“ истакнува  Ристо Милев, Генерален директор на ГД Тиквеш АД.

Поддршката од банкарски партнер во значајни моменти е клучна за успехот

Патот до успехот на една компанија е дефиниран од клучни моменти кои ја обликуваат нејзината иднина и затоа есенцијална е поддршката од доверлив и стабилен банкарски партнер. Финансиските совети на банката треба да дадат јасни насоки што поттикнуваат раст и развој на компанијата. Всушност, суштината на успешното партнерство лежи во внимателно слушање и разбирање на потребите на бизнисот, навремената поддршка и делење на иста визија за успех.

„Сѐ започна со самиот старт на работењето на Банката во нашата земја. На обострано задоволство и со добиена поддршка во клучни моменти, создадовме една заедничка приказна стара 20 години. Благодарение на добрите финансиски совети добиени од ПроКредит, како и поддршката која ни ја пружија во освојувањето на нови пазари, нашата компанија имаше стабилен развој.

Банката низ годините ја препозна нашата визија и филозофија, а тоа што започна како соработка, стана еден силен, партнерски однос на едно исклучително високо ниво. Транспарентноста, професионалноста, отворената комуникација, како и поволностите кои ги нуди Банката се работи кои навистина ги цениме и можеме да кажеме дека имаме целосна доверба во ПроКредит како наша банка партнер.

Веруваме дека соработката ќе ни трае уште долги години и ПроКредит ќе не поддржи во нашите идни инвестиции и пробивања на нови пазари и ќе биде покрај нас во сите наши клучни моменти, како што била и до сега.”, вели Милев.

Култура на вредности во ПроКредит

Posted on by piksel_marketing

ПроКредит Банка веќе 20 години ја потврдува својата општествена одговорност во однос на своите клиенти, вработени, акционери, и секако кон животната средина. Секогаш имајќи го на ум фактот дека одлуките и постапките на банките директно влијаат врз животот и благосостојбата на сите луѓе во општеството, ПроКредит Банка постојано останува верна на своите морални принципи околу кои постојано ги надградува и негува култура на вредности.

Култура на вредности во сите сегменти

Етичкото, транспарентно и одржливо постапување во сите сегменти од своето делување ја етаблира ПроКредит Банка во локалните рамки како компанија од доверба и со докажана лојалност кон одржување на култура на вредности во кои верува. Во нашето општество особено е видлива и насекаде е препознатлива перманентната одговорност на ПроКредит кон зачувување и подобрување на животната средина како една од најголемите вредности за кои банката се завзема, за што сведочат нејзините бројни иницијативи и инвестиции во овој сегмент. 

Како овие вредности влијаат врз вработените во ПроКредит Банка?

Вработените во ПроКредит Банка активно учествуваат со своите размислувања и предлози за сите општествено-одговорни активности и иницијативи кои компанијата ги презема. Нивната директна вклученост е еден од виталните принципи за одговорноста на банката кон своите вработени, кој несомнено придонесува за зајакнување на вредностите и на практикување на истите и вон работното место:

„Вредностите и принципите како солидарност, хуманост, желба за заштита на нашата животна околина не се само мои принципи, тие се принципи и на моите колеги кои не важат само додека сме на работното место, туку според нив живееме, според нив носиме одлуки, според нив дејствуваме и создаваме подобар свет за нас и сите останати.

Заедно ја градиме и одржуваме култура на вредности во банката и затоа сметам дека вредностите и принципите кои ги живееме и почитуваме се главната причина зошто банката има вработени кои што се повеќе од 20 години со компанијата и се лојални на истата. Овие вредности ми даваат мотивација за секојдневно да работам и да се чувствувам позитивно во работната средина,“ вели г-ѓа Елена Никовска, директорка на Оддел за управување со информациски систем во ПроКредит Банка.

Повеќе за одговорноста кон одржување на културата и вредностите во кои верува ПроКредит Банка, дознајте во видеото кое следи.

ПроКредит програма за нововработени е обука што ја препорачувам секому – интервју со Валид Сулејмани

Posted on by piksel_marketing

Валид Сулејмани е Советник за бизнис клиенти во ПроКредит Банка, кој преку нашата програма за нововработени, ја започна својата кариера во ПроКредит. Валид со нас ги сподели своите импресии од обуката во Скопје и во Белград.

Како се запозна со оваа програма за нововработени?

За Онбординг програмата на ПроКредит Банка знаев дека постои, но немав подетални информации што точно подразбира. Кога решив да аплицирам во ПроКредит, на нивната веб страница се информирав за процесот на Онбординг и што точно подразбира програмата и така всушност дознав што ме очекува при вработување.

Како е твојата моментална работна позиција во банката?

Мојата сегашна позиција во ПроКредит Банка е Советник за бизнис клиенти, за која имавме обука од 14 дена во рамките на Онбординг. Научивме многу важни работи кога станува збор за бизнис клиентите, како на пример, како полесно да анализираме клиенти, како да комуницираме со нив, да ја најдеме соодветната понуда според дејноста на бизнисот, ги изучивме продуктите на банката и што точно подразбираат и вклучуваат истите.

Но стекнатите знаења од Онбординг не се однесуваат само на мојата работна позиција, туку и на секоја друга, се учи на кој начин функционира банката, која е мисијата и визијата и на кои вредности се темели. И сите ние откако ја поминавме обуката, навистина започнавме да размислуваме поинаку.

Програма за нововработени на ПроКредит

Од што си особено задоволен дека научи на оваа програма за нововработени?

Уште додека студирав на факултет имав голема трема од јавно говорење, дури и страв од презентации што ми создаваше анксиозност и секогаш на тоа гледав како на голем проблем или препрека за развивање на мојата кариера и професионален раст.

Но, благодарение на програмата за нововработени на која два пати дневно имавме активности поврзани токму со јавен настап, можам слободно да кажам дека овој проблем го надминав. Дури и јазичната бариера која постоеше до одреден степен престанав да ја забележувам, ми беше дадена слобода и да згрешам, да се поправам, што всушност ми овозможи многу да се опуштам и да бидам посигурен во моите излагања.

Што дополнително би додал како позитивен фидбек кој го имаш од Онбординг програмата?

Лично за мене импресивно беше дека по изучување на одредени работи на програмата, почнав истите тие да ги практикувам и имплементирам и во мојот приватен живот. На пример, во Белград не ги учиме само теоретски вредностите на банката, туку ги разбираме и причините за тие вредности.

Да, ние сме зелена банка, но зошто сме и зошто треба да бидеме зелена банка? Која е филозофијата на зелените практики денес во светот и како може ние да ги примениме во нашиот секојдневен живот? Длабоко навлегувавме во сите овие прашања и одговори што доведува до, не само да ги споделуваме, туку и во својот живот да ги имплементираме. Исто така би сакал да го истакнам и моментот на дружбите со наши колеги од други држави, со кои поминавме убави моменти и изградивме цврсти пријателства.

Дали ја препорачуваш програмата за нововработени на млади личности кои би сакале да започнат кариера во банкарство?

Да, во целост сум задоволен од обуката и ја препорачувам секому кого го интересира светот на финансиите. Но, уште поважно е дека секој кандидат кој би сакал да се вработи во ПроКредит Банка, а со тоа и да учествува во Онбординг програмата, не мора задолжително да биде со економски или правен фактултет, туку може да биде од секоја друга област. Ние во банката имаме на пример колега психолог, инженер, архитект и др. Доволно и најважно од сé е желбата за кариера во банкарската индустрија, а Онбординг програмата ќе се погрижи за сé останато.  

Обука за нововработени е најдобар избор за започнување кариера – интервју со Петар Спасовски

Posted on by piksel_marketing

Вработувањето преку Онбординг програмата на ПроКредит Банка која претставува обука за нововработени, му потвдри на Петар Спасовски дека го направил вистинскиот избор за отпочнување на својата кариера во банкарскиот сектор.

Што ја издвои ПроКредит од останатите работодавачи?

Кога размислував за работно место, а знаев дека сакам да работам во секторот финансии, дојдов до заклучок дека ПроКредит Банка нуди многу поголем и побрз личен и кариерен развој споредено со другите банки. Персонализираниот пристап кој ПроКредит го има кон своите вработени е она што кај мене најмногу влијаеше да одлучам  дека тука сакам да  започнам да ја градам својата кариера во светот на финансиите.

Онбординг програмата им дава можност на младите да се насочат кон работната позиција која најмногу им одговара според нивниот профил, карактер и интереси.

обука за нововработени

Зошто обука за нововработени?

Уште кога разгледував можности за мое вработување, сфатив дека со Онбординг програмата, ПроКредит нуди сосема различен пристап, кој мене повеќе ми одговараше – доедукација, но не во форма на формално образование како мастер програма, туку преку практични примери, но и реални ситуации од секојдневното работење да го надградам знаењето добиено од факултет, а тоа беше токму и она што го  добив од оваа програма. За програмата знаев уште од студентските денови, како и дека дел од програмата се одвива во Белград.

Што научи на Онбординг програмата, кои беа придобивките?

Техничкиот дел од Онбординг програмата ми ја даде потребната основа за работењето, која секој кој работи во банка мора да ја поседува. Од една страна се стекнав со нови знаења и ги утврдив веќе постоечките кои се однесуваат на основни банкарски работи како кредитирање, депозити, банкарски услуги и др., кои, без разлика во кој сектор од банката да работиш, мора да ги знаеш.

Од друга страна пак, ја разбравме улогата на банките во општеството и како се под влијание но и како влијаат на сите микро и макро економски случувања во државата, па затоа од функционална важност е секој од нас да ги знае сите тековни настани, случувања и трендови во општеството.

Освен со стручно и техничко знаење, голем дел од програмата е посветен на развивање на меки вештини преку изучување теми од областа на филозофија, етика, поттикнување на критичко размислување и сл, преку кои ги подобрив своите ораторски, презентациски и комуникациски вештини.

Каков беше животот во Белград за време на тие 5 недели кога се одвиваше обуката за нововработени?

Тој дел од Онбординг програмата беше навистина одличен. Покрај теоретското, стручното и практичното знаење кое го стекнавме, самиот престој и живот во Белград дополнително ни ја зголеми самодовербата, ни овозможи да запознаеме луѓе и стекнеме пријатели од други држави и да ги прошириме нашите хоризонти. Тие дружби, особено за време на викендите кога сме слободни и немаме настава, ќе ги паметам уште долго.

Кој е следниот чекор во твојата кариера?

Да продолжам да се развивам со ист или посилен интензитет, како би ги искористил стекнатите знаења и способности во успешно исполнување на улогата која ја имаат мојата работна позиција и Банката – стабилен партнер на малите и средни претпријатија во државата кои се движечка сила на економијата во државата.

Hive Room – бесплатен коворкинг простор по светски стандарди

Posted on by piksel_marketing

Начинот на работење е категорија која постојано се менува, а тоа е резултат на сé поголемата слобода која многу професионалци ја имаат да самите одлучат од каде ќе работат, колку ќе работат и на кој начин. Следствено на оваа зачестена појава, особено по завршување на ковид-кризата, се појави нов, брзорастечки тренд во светот на бизнисот, во кој и Скопје како главен економски центар на нашата земја, не заостанува. Во последниве години, коворкинг просторите кои првенствено беа интересни само за фриленсерите и дигиталните номади, станаа сè поатрактивна опција и за претприемачите, работниците од далечина, сопствениците на мали бизниси и нивните тимови, и особено за малите стартапи. Покрај професионалците од ИТ и креативните индустрии, денес сѐ почесто и маркетинг агенции, правници, архитекти и др., користат коворкинг простори, како што е Hive Room.

Кои се предностите при работење во коворкинг простор?

Коворкинг (co-working) просторите се заеднички работни простории каде поединци од различни професии работат заедно во заедничка средина. Но, тоа е повеќе од само модерна, удобна и пријатна канцелариска инфраструктура; станува збор всушност за создавање заедница која поттикнува вмрежување, учење и споделување идеи,  и неретко дава можности за размена на знаење помеѓу експерти од различни области кои можат да соработуваат на проекти или дури и да започнат  заеднички бизнис.

Контактите остварени во коворкинг средината многу често резултираат и со успешна деловна соработка што претставува значителна предност. Накратко кажано, идејата зад концептот коворкинг простор е да се создаде заедница за соработка и поддршка која ја поттикнува креативноста, продуктивноста и растот, истовремено нудејќи многу предности, како што се:

  • Поврзување со други креативни и амбициозни луѓе кои можат да ви помогнат со совети, идеи или соработка.
  • Зголемување на продуктивноста и мотивацијата со тоа што ќе работите во инспиративна околина.
  • Намалување на трошоците за закуп на канцелариски простор, опрема и услуги.
  • Подобрување на рамнотежата помеѓу работата и приватниот живот
  • Искористување на разни погодности и бенефиции кои ги нудат модерните коворкинг простори, како обуки, настани и др.

Затоа, ако сте во потрага по алтернативен начин на работа кој ќе ви овозможи да се развивате, да учите и да се забавувате, размислете за работењето во коворкинг простор.

Hive Room – бесплатен коворкинг простор во Скопје за стартапи и фриленсери!

Од неодамна кај нас е отворен и нов коворкинг модерно опремен простор кој располага со шест работни позиции кои модуларно можат да се користат за еден тим или за шест индивидуалци. Hive Room е бесплатен коворкинг простор кој заинтересираните фриленсери и стартап компании може да го користат на одредено време.

Зошто токму овие категории? Бидејќи стартапите тукушто навлегуваат во светот на претприемаштвото и секоја поддршка за нив е повеќе од добредојдена, како во насока на обезбедување на модерна, инспиративна и продуктивна работна средина, така и во поглед на економичност кон трошоците кои се неизбежни.

Фриленсерите пак, од друга страна, најчесто се индивидуалци кои се ангажирани на различни проекти со стриктни рокови, поради што коворкинг простор како Hive Room за нив претставува идеално и инспиративно опкружување за максимална продуктивност.

Како да ги користите бесплатните услугите на Hive Room коворкинг просторот?

Доколку сте фриленсер/ка имате можност да резервирате една недела бесплатен пристап до HiveRoom, додека пак за стартап компаниите овозможена е опција за двонеделно бесплатно користење на просторот. Се што треба да направите е да ја посетите веб страната за аплицирање на Hive Room, а потоа тимот на Hive Room ќе Ве контактира за да се договорите за период на користење согласно капацитетот на самиот простор.

Што е одговорна банка?

Posted on by piksel_marketing

Банките имаат огромен удел при одредувањето на насоката на движењето на економијата преку инвестиција во одржлива иднина. Од апликации за следење на CO2 отпечатокот до кредити за фотоволтаични централи, денес банките во светот мора да бидат едни од лидерите при справувањето со глобалните предизвици поврзани со климатските промени, социјалната нееднаквост, ранливоста на енергетските системи и одржливоста на социо-економското опкружување. Лидерската улога бара визија, бара принципи на одговорна банка.

Што е одговорна банка?

Одговорна банка во овој контекст, е банка која дејствува во насока на одржлив развој и заштита на животната средина, преку одржливо финансирање на проекти кои имаат позитивен ефект врз природата чиј фокус најчесто е во инвестирањето во обновливи извори на енергија и социјално одговорни бизниси. Основа за одржливо работење од страна на банките насекаде во светот е ESG концептот (Environment, Social, Governance).

Што можат банките да направат за одржлива иднина?

Неколку добри практики кои придонесуваат кон одржливоста и прават една банка да биде одговорна банка:

Инвестиции во обновливи извори на енергија

Банките можат да промовираат кредити за инсталирање на фотоволтаични централи, и да помогнат во едукација на своите клиенти. Овие инвестиции ќе ја намалат вкупната потрошувачка на енергија и ќе помогнат во намалување на емисиите на стакленички гасови.

Финансирање на проекти за енергетска ефикасност

Банките можат да предложат кредити за замена на стари апарати со нови, енергетски ефикасни апарати или за инсталирање на системи за греење и ладење кои користат енергија со помалку емисии.

Утврдување на листа на активности кои банките нема да ги кредитираат

Оваа листа да содржи активности од разни домени на работењето на потенцијалните клиенти како што се неетички практики и услови за работа, дејности кои се штетни за здравјето и животната средина, дејности кои имаат негативно влијание врз заедницата, како и правни субјекти кои вршат конкретни неприфатливи дејности кои банката нема да ги финансира. 

Воспоставување систем за управување со животната средина

Банките да воспостават Систем за управување со животната средина кој ќе содржи компоненти како:

  • интерен систем за управување со животната средина за да се овозможи подобро разбирање и подобрување на одржливоста на сопственото користење на енергија и влијание врз животната средина;
  • управување со ризикот од животната средина кај кредитирањето преку постојани и темелни проценки и со инкорпорирани прашања од животната средина во процесот на одобрување кредити, воедно да ја подигнуваат свесноста на клиентите за животната средина;
  • да промовираат „зелено финансирање“. 

Дигитализација на процесите и инвестирање во луѓето

Банките секако треба да тргнат од себе, да ги дигитализираат и автоматизираат процесите и за тоа соодветно да ги обучат вработените. Намалувањето на употребата на хартија е еден од главните чекори кои банките ги превемаат во насока на целосно преминување во дигиталната сфера при работењето.

Применување на високи стандарди на одговорна банка

Применување на високи еколошки и енергетски стандарди при изградба, реновирање на опремување на сопствената деловната мрежа со што значително би ја намалиле потрошувачката на струја.

Промоција на електромобилност

Самите банки да промовираат електромобилност во својот возен парк, на струја произведена од сопствена фотоволтаична централа.

Извештаи за инвестиција во одржлива иднина

Јавно да објавуваат извештаи за одржливост кој ќе содржи детални информации на нивниот бизнис модел и сите активности кои ги преземаат за намалување на негативното влијание врз животната средина.

Колкава е свесноста на луѓето за концептот на одговорна банка?

Од огромна важност е улогата на банката во советување и информирање на клиентите за предизвиците со климатските промени и другите глобални предизвици, како и за важноста на инвестирањето во одржливи проекти. Искуството на ПроКредит Банка покажува дека расте интересот кај клиентите за т.н. „зелено финансирање“.

„Досега, околу 20% од кредитното портфолио на ПроКредит Банка е пласирано во зелени кредити, податок на кој ние како банка ориентирана кон одржливо работење, сме особено горди. Ако сето ова го интерпретираме низ ефектот врз животната средина, избегнавме емисија на 18.000 тони CO2, еквивалентно со отстранување на 9.200 возила од сообраќај за една година“– вели Емилија Спировска од Управниот одбор на ПроКредит Банка, додавајќи дека соодветна проценка на еколошкиот ризик при соработката со секој клиент е задолжителна, со цел да се избегне пласирање на средства во еколошко или социјално неподобни проекти.

Со поддршка на инвестиции во обновливи извори на енергија и општествено одговорни бизниси, пласирање на поволни кредити, банките веќе ги поттикнуваат бизнис клиенти да ја ограничат нивната зависност од фосилни горива и да преминат кон одржливи деловни модели. „Заради нашата проактивна и советодавна улога, компаниите кои се клиенти на ПроКредит Банка инвестираат во фотоволтаични централи за сопствена употреба дури три пати повеќе во однос на останатите компании на пазарот. Така, до сега имаме финансирано преку 120 фотоволтаични централи поставени на кров со преку 40 МВ инсталиран капацитет.“ – истакнува Спировска.

ESG стандарди во банкарството

Posted on by piksel_marketing

ESG стандарди во банкарството станаа нужност како резултат на глобалната криза на повеќе полиња, здравствена, економска и енергетска криза, како и воениот конфликт во Украина и слично. Во корпоративниот свет беше изразен фокусот на одржливо и одговорно работење како  предуслов за опстојување на компаниите  и  отпорност кон надворешните влијанија. Во овие услови, компаниите кои успешно се справија со сите предизвици со кои се соочивме беа оние компании кои својата успешност не ја мерат само низ призмата на остварениот профит, туку и преку своето влијание врз животната и социјалната средина, економијата и луѓето, познати како ESG стандарди (Environmental Impact – Social Responsibility – Governance Practices).

ESG стандарди во ПроКредит Банка

Токму овој концепт на работење е тоа што ја прави ПроКредит Банка успешна приказна на нашиот пазар веќе 20 години. Како развојно-ориентирана Банка, работењето се темели врз имплементираните ESG стандарди во банкарството преку кои се следи, мери, но и транспарентно известува за влијанието во трите клучни столбови: животна средина, социјално опкружување и корпоративно управување, земајќи ги предвид сите засегнати страни – вработените, клиентите, акционерите, соработниците, општата заедница. На Групациско ниво, врз основа на овие известувања Банката има остварено позитивен ESG рејтинг од две рејтинг агенции.

Во однос на сопственото влијание врз животната средина, Банката значително го има намалено својот јаглероден отпечаток во изминативе неколку години што се должи на воспоставениот систем за управување со животната средина и направените “зелени и одржливи” инвестиции. Така, врз основа на постигнатата заштеда на енергија од 73%, заштеда на вода од 21% и 35% помалку потрошена енергија за производство на материјалите кои се искористени за изградба, зградата на Централната управа на Банката е сертифицирана со EDGE ADVANCED CERTIFICATE, меѓународен сертификат за зелени згради.

Банката инвестира и во електричен возен парк што во моментот го чини 70% од вкупниот возен парк. Овие инвестиции покрај тоа што имаат позитивно влијание врз животната средина, долгорочно имаат и позитивен финансиски бенефити врз работењето на Банката и ја прават отпорна на надворешните фактори, како што се климатските промени или пак енергетска и економска криза.

Финансирање на клиенти

Покрај минимизирање на сопственото негативно влијание, Банката оваа имплементација на ESG стандардите ја транспонира и во процесот на финансирање на клиентите. Силните финансиски перформаси на компаниите, ниту можат, ниту смеат да го надоместат негативниот импакт врз животната и социјална средина, па оттука за одговорно банкарско работење неопходна е и интеграција на нефинансиските аспекти при носење на одлука за поддршка на одредени проекти. 

Во оваа насока, Банката има јавно објавено листа на дејности и активности кои не ги подржува поради нивното негативно влијание врз животната средина или врз социјалното општество, а последно додадени на таа листа беа и производителите на пластични производи за еднократна употреба поради големото негативно влијание врз животната средина и финансирање на фотоволтаични централи кои користат панели произведени во региониот Xinjiang во Кина, поради основани сомневања за злоупотреба на трудот и повреда на основните човекови права.

Ова значи дека Банката е подготвена да го ограничи растот на своето портфолио со цел да може да се создадат услови за долгорочен одржлив економски развој кој нема да биде на ничија штета.

Одржлив развој на опкружувањето

Од друга страна, имплементирањето на ESG стандарди во банкарството подразбира и стимулирање на одржлив развој на целокупното опкружување, а тука пак улогата на Банката е во насока на подршка на своите клиенти во нивните одржливи инвестиции, улога која е проактивна и советодавна.

Банката не чека клиентите да пристапат со идеја за зелени инвестиции, напротив знаењето кое Банката го има за одржливите “зелени” технологии несебично го споделува со своите клиенти со цел да им ги предочи предностите на долг рок од ваквите инвестиции и на тој начин да го стимулира одржливиот развој.

За таа цел Банката организира различни едукативни работилници и настани за клиенти и за пошироката јавност, а таков пример беа и организираните работилници за инвестиции во фотоволтаични централи далеку пред енергетската криза, што резултираше со повеќе од 170 финансирани фотоцентрали или 61 MW финансиран инсталиран капацитет.

Одржлив развој на социјалното опкружување

Креирање на подобра иднина за сите засегната страни во синџирот на вредности  на Банката значи и изразен фокус на социјалното опкружување. Банката останува силно посветена на поддршка на малите и средни претпријатија кои се моторот на одржливата економија, поттикнуваат иновативност  и вработуваат околу 80% од работната сила во приватниот сектор. Дури 90% од вкупното портфолио на Банката е насочено кон подршка на малите и средни претпријатија, а за ваква поддршка неопходна е силна посветеност на вработените во остварување на оваа мисија.

Придонесот кон социјалното општество можеби и најдиректно се гледа преку инвестицијата во кадрите на Банката, кои се носители на вредностите на институцијата. Делењето на исти вредности со институцијата, добри работни услови и позитивна работна атмосфера, како и професионалниот напредок и развој се секако подеднакво важни за вработениот како и паричниот надомест, затоа во Банката се става особен фокус на овие елементи.

За таа цел Банката вложува повеќе од 60.000 часови годишно во едукација на своите вработени, им овозможува соодветна обука и тренинг за конкретната работна позиција, меѓународна размена на искуство во рамки на Групацијата, учество на ПроКредит академиите, но и редовни годишни обуки од областа на животна и социјална средина кои оваа година се одржуваат на темите на родова еднаквост и имплементација на ESG стандарди.

Корпоративни вредности и ESG стандарди

За институцијата  есенцијално е почитувањето на основните корпоративни вредности како што се личниот интегритет и посветеност, високите професионални стандарди, општествената одговорност, културата на отворена комуникација и транспарентност.  Овие вредности се темелот на корпоративното управување и одговорното работење  и нивната ефективна примена е од суштинско значење за да се овозможи имплементацијата на  ESG стандардите односно интеграција на одржливоста  при носење на одлуките во секојдневното работење. 

Одговорно банкарство, како и одржливо и одговорно финансирање за банката е  институционална определба која  ја живееме веќе 20 години, имплементацијата на ESG стандардите е само средство за спроведување на оваа мисија. Преку давање на приоритет на ESG стандардите во своето секојдневно работење, Банката од една страна  поттикнува одржлив развој и иновации, но од друга страна и креира потреба за имплементација на нови производи и услуги кои ќе помогнат во справување со еколошките и социјалните предизвици.  

Со давање на својата подршка на транзицијата кон зелена и одржлива економија и промовирање на социјална инклузивност, Банката помага во создавање на поодржлива и поправична иднина за сите засегнати страни во својот синџир на вредности, а со тоа ја зацврстува и својата позиција на развојно ориентирана институција фокусирана на долгорочен одржлив раст и развој наспроти, краткорочна максимизација на профит.