Tag: финансиски услуги

Со OneID платформа на ПроКредит до поедноставно дигитално банкарство

Posted on by piksel_marketing

Во одговор на растечката потреба за беспрекорни, безбедни и практични финансиски услуги, ПроКредит Банка ја нуди својата иновативна услуга за дигитално банкарство – OneID платформа.
Оваа иновација претставува значителен чекор напред во корисничкото искуство, овозможувајќи ви како клиенти на банката да ги управувате своите финансии во секое време и од било кое место, со само неколку клика.

Иако постои доза на скептичност кога станува збор за безбедноста во користење на дигитални услуги, сепак мора да прифатиме дека токму овие подобрувања и иновирања во банкарскиот свет го олеснуваат начинот на функционирање во секојдневниот живот.

Затоа ќе се обидеме преку овој краток, но информативен текст да ти доловиме што всушност означува оваа практична алатка во дигиталното банкарство и како таа може да ти помогне при извршување на банкарските потреби.

Што е всушност OneID платформа?

OneID претставува платформа за потврдување на дигитален идентитет. Платформата е развиена со цел да го поедностави и обезбеди пристапот до различни онлајн услуги во Македонија.

На пример доколку ти си клиент во ПроКредит Банка со користење на OneID платформата можеш електронски да го потврдиш својот идентитет, без притоа да имаш потреба од физички документи или лично потврдување со физичко присуство.

Запознај се со предностите на OneID

  1. Нуди едноставен кориснички интерфејс. OneID дигиталната платформа нуди едноставен интерфејс, дизајниран да ги задоволи твоите банкарски потреби.
  2. Достапност 24/7 што значи дека можеш да заборавиш на времето кога банкарството беше ограничено со работни часови. Со овие дигитални услуги, клиентите на ПроКредит банка можат да ги управуваат своите финансиски активности во секое време од денот, 365 денови во годината.
  3. Секако, безбедноста е на прво место. Во основата на дигитални услуги се најсовремените безбедносни технологии, вклучувајќи ги двојниот фактор на автентикација и енкрипција на податоците, со цел да се осигураме дека твоите лични податоци и финансиски средства се секогаш заштитени.
  4. Оваа платформа нуди иновативни функции. Дигиталното банкарство на ПроКредит Банка нуди многу функционалности за клиентите како што се автоматско плаќање, известувања за трансакции во реално време, персонализирани финансиски совети и следење на трошоци.

Што сѐ ти обезбедува дигиталната платформа?

ПроКредит Банка заедно со OneID ти обезбедува:

  • Безбедна автентикација
    OneID користи напредна енкрипција и безбедносни протоколи, обезбедувајќи безбедна потврда на твојот идентитет.
  • Електронски потпис
    OneID поддржува дигитални потписи, овозможувајќи корисниците да потпишуваат правни документи по електронски пат, што е правно обврзувачко според законот.
  • Практичност
    Преку платформата OneID, клиентите на ПроКредит Банка, можат да направат поднесување на формулари, потпишување на документи или да пристапат до лични записи онлајн, без потреба од посета на филијалите на банката.
  • Интеграција со други услуги
    OneID е интегриран со други државни услуги, е-Влада портали (за поднесување даноци, добивање сертификати и сл.), како и со приватни услуги, како телекомуникациски провајдери.

Преку интегрирање и употреба на платформата OneID, целта на банката е да ја подобрува дигиталната достапност и ги поедноставува услугите за тебе, промовирајќи поефикасен дигитален екосистем.

ПроКредит Банка Македонија останува посветена на обезбедување на врвно банкарско искуство, комбинирајќи технологија и традиционална банкарска експертиза.

Откако се запозна детално со предностите на дигиталната платформа, те охрабруваме  да аплицираш за отворање на пакет на платежни услуги, а тоа можеш да го направиш преку нашето корисничко упатство за OneID.

Банкарска поддршка за вашиот бизнис

Posted on by piksel_marketing

За секоја компанија, обезбедувањето на банкарска поддршка за вашиот бизнис е една од најважните одлуки кои треба да се донесат. Банката не е само место каде што ќе ги чувате вашите пари и ќе ги правите секојдневните транскации, туку и клучен партнер со чија поддршка вашиот бизнис ќе расте и ќе се развива.

Во светот на бизнисот, денес од непроценлива важност за секое претпијатие е да може да ѝ верува на својата банка, која воедно за секој претпримач претставува столб на сигурност, не само поради финансиските услуги кои ги нуди, туку и поради своето искуство, знаење и доверливост. 

Малите и средни претпријатија се клучен фактор за економскиот развој и обезбедување на работни места во секоја економија. Но, за да успеат во својата дејност и да се развиваат, тие имаат потреба од финансиска и консултантска банкарска поддршка.

Покрај финансирање на проектите, банката може значително да им помогне на претпријатијата да ги идентификуваат своите потреби и да развијат бизнис план, да ги едуцира како да ги подобрат процесите, да ги советува за идни инвестиции,  да ги оптимизираат своите трошоци и приходи, да ги искористат можностите за иновации и дигитализација. За малите и средни претпријатија е од клучно значење е да имаат банка од доверба која е тука за нив, која ги слуша и со која можат да градат долгорочна соработка.

Прашања кои секоја компанија треба да си ги постави

Секој сопственик на компанија пред да ја донесе конечната одлука за обезбедување на банкарска поддршка, односно банкарски партнер, потребно е да истражи и да обрне особено внимание на неколку важни сегменти на услуги кои ги нуди една банка која ве разбира. Со тоа ќе добие одговори на важни прашања кои се однесуваат на опции за финансирање, штедење, висина на каматните стапки, искуството на банката со мали и средни претпријатија, иновативни проекти кои ги финансирала банката, дигиталните можности, грижата за корисниците, како и репутацијата на самата банка и нејзиното искуство во работењето со компании од дадената индустрија.

Но, она што секој претприемач особено го интересира и што најмногу влијае врз одлуката за избор на банка, е колку таа ќе биде партнер од доверба, кој своето обемно искуство безрезервно ќе го споделува, и аргументирано во вистинските моменти ќе советува во поглед на сите сегашни и идни планови на компанијата.

Банкарска поддршка за Б2 Солушн

Таков пример за доверба и успешност е долгорочната соработка на претпијатието Б2 Солушн со ПроКредит Банка. За оваа плодна соработка и сéвкупното искуство со ПроКредит Банка, главниот извршен директор и основач на Б2 Солушн Венцо Ѓоргиевски вели:

„Во клучните фази на развој на нашата компанија, имавме потреба од партнер кој ќе ја разбере нашата визија и ќе не поддржи во нејзина реализација, како што искусен алпиниста ставен на Хималаите да го искачува Монт Еверест има потреба од кислород поради реткиот воздух на височините.

Во тој период во нашата компанија се појави ПроКредит Банка кои ни ја донесоа неопходната боца на кислород –  тоа беше моментот кога понатаму можевме да направиме исчекор, затоа што ни се разјасни целата стратегија. На почетокот беа многу трпеливи, внимателно нé слушаа, нé разбраа и ги финансираа нашите проекти од минатото, за да можеме уште посигурно да чекориме напред.

Тоа што за нас е особено важно е што ПроКредит ги одобрува добрите работи, а за оние работи кои што не се доволно квалитетни, нé советуваат да размислиме уште еднаш. Поради сите овие причини ПроКредит Банка е нашиот стабилен партнер кој што ни дава сигурност да грабиме кон напред.“

Довербата со банката како клучна компонента за успешност

Банките кои се фокусирани на одговорно работење и развој на економијата, односно банка која ве разбира, има систематизиран пристап во поддршка и развој на бизнисите кои претставуваат клучен двигател во општеството. Сопствениците на малите и средните претпријатија сметаат дека е особено важно да и веруваат на банката и нивните идеи и планови да бидат сослушувани од банката, а за возврат очекуваат аргументиран фидбек со совети за идни насоки во нивното работење.

Зад секој бизнис треба да стои банка која ќе претставува столб на сигурност и со своето севкупно искуство, знаење и квалитетна услуга ќе гради долгорочно партнерство кое ќе резултира со заеднички успех и развој на економијата.

Работиме исклучиво преку дигитални канали

Posted on by piksel_marketing

Од каде потребата за банкарски решенија преку дигитални канали? Дигитализацијата во финансиската индустрија во изминатите години го трансформираше традиционалното банкарство и финансиските услуги. Целта на дигиталната трансформација е да се подобри клиентското искуство, продуктивноста, да се зголеми агилноста и да се унапреди културата на компаниите.

Дополнително, дигитализацијата отвара можности за банките да креираат поефикасни и персонализирани производи и услуги за клиентите. Оттука, дигиталната трансформација е култура на компанијата, начин на размислување на вработените и дефинирање на бизнис модел, исто колку и интеграција на новите технологии.

ПроКредит банка е првата банка во земјата која ја воведе дигитализацијата во банкарското работење. ПроКредит започна со процесот на имплементација на нови иновативни решенија уште во 2015 година, со пренасочување на готовинските услуги на банкомати, како и кон целосно пренасочување на клиентите кон користење на електронско банкарство.

24/7 зони

Со цел побрза трансформација кон дигитализација, банката ги отвори првите 24/7 зони во земјата, каде клиентите самостојно можат да ги извршуваат банкарските операции, како замена за класичните банкарски филијали. Со тоа, ПроКредит претстави нов модел на банкарско работење каде преку воведување на најмодерните банкарски услуги, на клиентите им овозможи флексибилност, безбедност, дискреција и достапност на банката во секое време.

24/7 зоните работат во секое време од денот и ноќта, вклучувајќи неработни денови, викенди и празници, а пристапот до нив е овозможен со валидна дебитна или кредитна картичка. Банкоматите во овие зони овозможуваат уплата и исплата на денари и евра, уплата на кованици, уплата на дневен промет на банкомат или во сеф за дневен промет, како и печатење изводи.

Дигитални канали за кредитни и административни барања

ПроКредит беше и првата банка која воведе платформа за дигитализација на кредитните и административните барања на клиентите. Па така, потпишувањето на барањата и договорите за кредити и гаранции, но и останати административни документи, клиентите на ПроКредит банка ги прават по електронски пат – брзо, едноставно и пред се сигурно.

Дигитални канали за платен промет

Транзицијата кон дигитални канали од 2018 година резултираше со тоа што 99% од целокупниот платен промет и кај физичките и кај правните лица се реализираше преку електронско банкарство. Оваа транзиција дополнително овозможи унапредување квалитетот на услугата и личниот пристапот на вработените на банката во доменот на финаниско советување на клиентите.

ПроКредит покрај воведување нови технолошки промени и иновации во своите процеси, истовремено наметнува забрзано темпо на дигитализација и кај компаниите кои работат со банката преку разбирање на потребите на бизнис моделот и едукација на клиентите.

За физичките лица, ПроКредит банка во 2021 година овозможи и користење на дигитален паричник во насока на доближување на клиентите до светските трендови каде мобилните телефони се користат и како платежни картички. 

Денес, ПроКредит сеуште е единствена банка на пазарот која работи исклучиво преку дигитални канали. Банката продолжува и понатаму да работи на понуда на нови дигитални решенија со унапредување на електронско и мобилно банкарство со нови функционалности надвор од стандардниот платен промет.

Со пенетрацијата на дигиталните решенија, банката континуирано инвестира во унапредувањето на сајбер безбедноста, при што користи решенијата и пракси согласно со Европската регулатива како дел од ПроКредит Групацијата со седиште во Германија. Со инвестирање во иновативни и квалитетни дигитални решенија, ПроКредит се стреми да остане лидер на пазарот во примена на најнови технологии.